അഹമ്മദാബാദ്: കൊവിഡ് ബാധിച്ച് ചികിത്സയിലായിരുന്ന പ്രധാനമന്ത്രി നരേന്ദ്ര മോദിയുടെ അമ്മായി ന‌ർമ്മദാബെൻ മോദി (80) മരണപ്പെട്ടു. ചെവ്വാഴ്ച അഹമ്മദാബാദ് സിവിൽ ആശുപത്രിയിരുന്നു അന്ത്യം. ന‌ർമ്മദബെൻ അഹമ്മദാബാദിലെ ന്യൂ റാണിപ് മേഖലയിൽ മക്കളോടൊപ്പമായിരുന്നു താമസം.

കൊവിഡ് ബാധയ്ക്ക് പിന്നാലെ ആരോ​ഗ്യനില വഷളായതിനെത്തുടർന്ന് അമ്മായിയെ പത്തു ദിവസം മുൻപ് സിവിൽ ആശുപത്രിയിൽ പ്രവേശിപ്പിച്ചതായി മോദിയുടെ ഇളയ സഹോദരൻ പ്രഹ്ളാദ് മോദി പറഞ്ഞു. നർമ്മദാബെൻ ആശുപത്രിയിൽ വച്ചാണ് മരിച്ചതെന്നും അദ്ദേഹം വ്യക്തമാക്കി.