കോന്നി: എൽ.ഡി.എഫ് സ്ഥാനാർത്ഥി അഡ്വ.കെ.യു ജനീഷ് കുമാറിനെ നെഞ്ചിലേ​റ്റി പ്രമാടം നിവാസികൾ. കോരിച്ചൊരിയുന്ന മഴയിലും ആവേശം ചോരാതെ നൂറുകണക്കിനാളുകളാണ് ഒരോ സ്വീകരണ വേദിയിലേക്കും ഒഴുകിയെത്തിയത്. പ്റമാടത്തെ ചെങ്കടലാക്കി മാ​റ്റുകയായിരുന്നു ജനീഷ് കുമാറിന്റെ സ്വീകരണ പര്യടനം. വൈകുന്നേരം കോന്നിയിൽ നിന്ന് പ്രവർത്തകർക്ക് ഒപ്പം പ്രമാടം വട്ടക്കുളഞ്ഞിയിലെത്തിയ സ്ഥാനാർത്ഥിയെ പുഷ്പകിരീടം ചൂടിയും പുഷ്പമാല ചാർത്തിയുമാണ് നാട്ടുകാർ വരവേ​റ്റത്. തുടർന്ന് യുവാക്കളുടെ ബൈക്ക് റാലിയുടെ അകമ്പടിയോടെ സ്വീകരണം ഏ​റ്റുവാങ്ങുവാൻ സെന്റ് തോമസ് നഗറിൽ എത്തി. തോരാതെ പെയ്യുന്ന മഴയിൽ നൂറുകണക്കിനാളുകളാണ് സ്ഥാനാർത്ഥിയെ കാണാനായി കാത്തുനിന്നത്. സ്ത്റീകളും കുട്ടികളും ഉൾപ്പെടെയുള്ളവർ വിവിധയിടങ്ങളിൽ പിന്തുണ അറിയിച്ച് എത്തി. മല്ലശേരിമുക്കിൽ എത്തിയപ്പോൾ ഓലമെടഞ്ഞ കുട്ടയിൽ കരിക്കും പഴവർഗങ്ങളും സമ്മാനിച്ചാണ് അമ്മമാർ വരവേ​റ്റത്. ഇ.എം.എസ് നഗർ, കരോട്ട് ജംഗ്ഷൻ, ഐരിയിൽപ്പടി, മൃഗാശുപത്രിപടി,പുളി ജംഗ്ഷൻ, അമ്പലം ജംഗ്ഷൻ, വലംപുരിമണ്ണ്, കുളനടക്കുഴി, അത്തിക്കാലപ്പടി,കൈതക്കരമുരുപ്പ് എന്നിവടങ്ങളിലെ സ്വീകരണം ഏ​റ്റുവാങ്ങി രാത്റിയോടെ മൂലപ്പറമ്പിൽ പര്യടനം അവസാനിച്ചു. ഏരിയ കമ്മി​റ്റി അംഗം കെ.മോഹനൻ, പഞ്ചായത്ത് പ്റസിഡന്റ് എൻ.നവനിത് ,കെ.ആർ ജയൻ, വാഴവിള അച്യുതൻ നായർ, കോന്നിയൂർ പി.കെ, രാജേഷ് ആക്ലേത്ത് തുടങ്ങിയവർ നേതൃത്വം നൽകി.