പത്തനംതിട്ട : ജില്ലയിൽ ഇന്നലെ 111 പേർക്ക് കൊവിഡ് സ്ഥിരീകരിച്ചു. രോഗം സ്ഥിരീകരിച്ചവരിൽ ഏഴു പേർ വിദേശത്ത് നിന്ന് വന്നവരും 14 പേർ മറ്റ് സംസ്ഥാനത്തു നിന്ന് വന്നതും, 90 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത മൂന്നു പേരുണ്ട്. ജില്ലയിൽ ഇതുവരെ ആകെ 60,439 പേർക്ക് രോഗം ബാധിച്ചു. ഇതിൽ 54608 പേർ സമ്പർക്കം മൂലം രോഗം ബാധിച്ചവരാണ്. ജില്ലയിൽ ഇന്നലെ 63 പേർ രോഗമുക്തരായി. ആകെരോഗമുക്തരായവരുടെ എണ്ണം 59016 ആണ്.