കോന്നി: വോട്ടഭ്യർത്ഥിച്ചെത്തിയ എൽ.ഡി.എഫ് സ്ഥാനാർത്ഥി അഡ്വ.കെ.യു ജനീഷ് കുമാറിനെ വരവേ​റ്റ് കോന്നിയിലെ വ്യാപാരി സമൂഹം. രാവിലെ പാർട്ടി ഓഫീസിലെത്തിയ സ്ഥാനാർത്ഥി നേതാക്കൾക്കും പ്രവർത്തകർക്കും ഒപ്പമാണ് വ്യാപാര സ്ഥാപനങ്ങൾ സന്ദർശിച്ചത്. ചൈനമുക്കിലെത്തിയ സ്ഥാനാർത്ഥി കടകളിൽ എത്തിയപ്പോൾ ഏറെ സ്‌നേഹത്തോടെയാണ് വ്യാപാരികൾ സ്വീകരിച്ചത്. കടകൾ കയറിയിറങ്ങിയ സ്ഥാനാർത്ഥി ചു​റ്റിക അരിവാൾ നക്ഷത്രച്ചിഹ്നത്തിൽ വോട്ട് ചെയ്യണമെന്ന് അഭ്യർത്ഥിച്ചു. ചൈനമുക്ക്, മാർക്ക​റ്റ്, കെ.എസ്ആർ.ടി.സി പരിസരം എന്നിവടങ്ങളിലെ സന്ദർശനം മണിക്കൂറുകൾ നീണ്ടു. സ്ഥാനാർത്ഥിക്കൊപ്പം എൽ.ഡി.എഫ് നേതാക്കളായ ശ്യാംലാൽ, രാജേഷ് കുമാർ, തുളസി മണിയമ്മ, സോമശേഖരൻ, റഷീദ് മുളന്തറ, പഞ്ചായത്തംഗം ഉദയകുമാർ എന്നിവരും ഉണ്ടായിരുന്നു.