തിരുവല്ല : കേരള യൂത്ത് ഫ്രണ്ട് ജില്ലാ കമ്മിറ്റിയുടെ നേതൃത്വത്തിൽ തിരുവല്ല അശോക് ഓഡിറ്റോറിയത്തിൽ കെ.എം മാണി അനുസ്മരണ സമ്മേളനം നടത്തി. കേരളകോൺഗ്രസ് ഉന്നതാധികാര സമിതി അംഗംജോസഫ് എം പുതുശേരി ഉദ്ഘാടനം ചെയ്തു. ജില്ലാ പ്രസിഡണ്ട് ബിനു കുരുവിള അദ്ധ്യക്ഷത വഹിച്ചു. യു.ഡി.എഫ് ജില്ലാ ചെയർമാൻ വിക്ടർ ടി. തോമസ് മുഖ്യപ്രഭാഷണം നടത്തി. ഉന്നതാധികാര സമിതി അംഗം ജോൺ കെ.മാത്യുസ് അനുസ്മരണ സന്ദേശം നൽകി. പാർട്ടി സ്റ്റിയറിംഗ് കമ്മിറ്റി അംഗങ്ങളായ തമ്പി കുന്നുകണ്ടത്തിൽ, സാം ഈപ്പൻ, ബിജു ലങ്കാഗിരി,സാംകുട്ടി അയ്യക്കാവിൽ, യൂത്ത് ഫ്രണ്ട് ഭാരവാഹികളായ വി.ആർ.രാജേഷ്, ജോമോൻ ജേക്കബ്, സജി കൂടാരത്തിൽ, ജോസ്‌തേക്കാട്ടിൽ, ജയകോശി, അനീഷ് പി.ചെറിയാൻ, വിനയൻ കവിയൂർ, ജേക്കബ് മാത്യു ബിജു അലക്‌സ്, റ്റിജു ചാക്കോ, ഫിജി ഫെലിക്‌സ്, ജെഫ് ബിജു ഈശോ,വർഗീസ്‌ പോക്കച്ചേരി എന്നിവർ പ്രസംഗിച്ചു.