തിരുവല്ല: കുഴിവേലിപ്പുറം തെക്ക് മാടപ്പള്ളിക്കാവ് ഭഗവതി ക്ഷേത്രത്തിലെ പത്താമുദയ മഹോത്സവവും താലപ്പൊലി എഴുന്നെള്ളത്തും ഇന്ന് മുതൽ 23 വരെ കൊവിഡ് നിയന്ത്രണങ്ങൾ പാലിച്ച് നടക്കും. ഇന്ന് രാവിലെ മുതൽ വിശേഷാൽ പൂജകൾ വൈകിട്ട് ദീപാരാധനയ്ക്ക് ശേഷം ക്ഷേത്രംതന്ത്രി എം.എൻ.ഗോപാലൻ തന്ത്രിയുടെയും മേൽശാന്തി കെ.പി.പ്രസാദ് ശാന്തിയുടെയും കാർമികത്വത്തിൽ കൊടിയേറ്റ് നടക്കും. ദിവസവും രാവിലെ മുതൽ വിശേഷാൽ പൂജകൾ 8.30ന് ഭാഗവത പാരായണം, 10ന് കലശാഭിഷേകം 6.30ന് വിശേഷാൽ ദീപാരാധന എന്നിവ നടക്കും. നാളെ രാത്രി 8.30ന് താലപ്പൊലി എഴുന്നെള്ളത്ത്. 21ന് രാത്രി 8.30 ന് ഭജന. 22ന് രാത്രി 9.30ന് പള്ളിവേട്ടയ്ക്ക് പുറപ്പാട്. 10ന് പള്ളിനായാട്ട് 23ന് ഉച്ചയ്ക്ക് ഒന്നിന് അന്നദാനം. 6.30ന് സേവ 9ന് താലപ്പൊലി എഴുന്നെള്ളിപ്പ് 11ന് ആറാട്ട് 11.30ന് ആറാട്ട് എഴുന്നെള്ളിപ്പ്, കൊടിയിറക്ക്. മഹാഗുരുതി.