അടൂർ : കൃഷി വകുപ്പിന്റെ നേതൃത്വത്തിൽ കുടുംബശ്രീയുടെ സഹകരണത്തോടെ പുതുമലയിൽ ഗ്രാമചന്ത പ്രവർത്തനം ആരംഭിച്ചു. ചിറ്റയം ഗോപകുമാർ എം.എൽ.എ ഉദ്ഘാടനം നിർവഹിച്ചു. കെ പി ഉദയഭാനു ആദ്യവിൽപ്പന നിർവഹിച്ചു. പഞ്ചായത്തംഗം ബാബു ജോൺ അദ്ധ്യക്ഷത വഹിച്ചു.ബ്ളോക്ക് പഞ്ചായത്തംഗം മഞ്ജു, കൃഷി അസിസ്റ്റന്റ് ഡയറക്ടർ റോഷൻ, ജോർജ്, പഞ്ചായത്തംഗങ്ങളായ രജിത ജയ്സൺ,ഷീജ,നെടുമൺ സർവീസ് സഹകരണ ബാങ്ക് പ്രസിഡന്റ് കെ.പ്രസന്നകുമാർ,കൊടുമൺ ഫാർമേഴ്സ് സൊസൈറ്റി അദ്ധ്യക്ഷൻ എ.എൻ സലീം, കലാനിലയം രാമചന്ദ്രൻ, കൃഷി ആഫീസർ സിന്ധു പി .ആർ, രാധാമോഹൻ എന്നിവർ സംസാരിച്ചു. ജൈവ പച്ചക്കറികൾ മറ്റു കാർഷിക ഉൽപ്പന്നങ്ങൾ എന്നിവ ഇവിടെ ലഭിക്കും.