ചെങ്ങന്നൂർ: കൊവിഡ് പടർന്നുകൊണ്ടിരിക്കുന്ന സാഹചര്യത്തിൽ എസ്.എൻ.ഡി.പി.യോഗത്തിന്റെ നേതൃത്വത്തിൽ മേയ് 6ന് വിശ്വാസമാധാന പ്രാർത്ഥനാ ദിനമായി ആചരിക്കുന്നു. ശ്രീനാരായണ ഗുരുദേവൻ രചിച്ച 'ദൈവമേ കാത്തുകൊൾകങ്ങു കൈവിടാതിങ്ങു ഞങ്ങളെ നാവികൻ നീ ഭവാബ്ധിക്കൊരാവിവൻ തോണി നിൻപദം' എന്നു തുടങ്ങുന്ന 'ദൈവദശകം' എന്ന പ്രാർത്ഥനാ കൃതി മേയ് 6ന് ചതയം നാളിൽ വൈകിട്ട് 6 മുതൽ 10 വരെ ചെങ്ങന്നൂർ യൂണിയന്റെ പരിധിയിലുള്ള എല്ലാ ഭവനങ്ങളിലും വിളക്ക് തെളിയിച്ച് പ്രാർത്ഥന നടത്തുമെന്ന് യൂണിയൻ ചെയർമാൻ എം.ബി. ശ്രീകുമാറും കൺവീനർ അനിൽ പി.ശ്രീരംഗവും അറിയിച്ചു. എസ്.എൻ.ഡി.പി.യോഗത്തിന്റെ പോഷക സംഘടനകളായ വനിതാസംഘം, യൂത്ത്മൂവ്‌മെന്റ്, സൈബർസേന, എംപ്ലോയീസ്‌ഫോറം, വൈദികസമിതി, കുമാരികുമാര സംഘം, എംപ്ലോയീസ് പെൻഷനേഴ്‌സ് കൗൺസിൽ എന്നിവയുടെ സംയുക്ത ആഭിമുഖ്യത്തിലാണ് വിശ്വസമാധാന പ്രാർത്ഥനാ ദിനം ആചരിക്കുന്നതെന്ന് യൂണിയൻ കൺവീനർ അനിൽ പി. ശ്രീരംഗം അറിയിച്ചു.