ചെങ്ങന്നൂർ : കൊവിഡ് വ്യാപിക്കുന്ന സാഹചര്യത്തിൽ എസ്.എൻ.ഡി.പി യോഗത്തിന്റെ നേതൃത്വത്തിൽ മേയ് 6ന് നടത്തുന്ന വിശ്വസമാധാന പ്രാർത്ഥനാ ദിനാചരണത്തിന്റെ ഭാഗമായി ചെങ്ങന്നൂർ യൂണിയന്റെ പരിധിയിലുള്ള എല്ലാ വീടുകളിലും വൈകിട്ട് 6 മുതൽ 10 വരെ വിളക്ക് തെളിയിച്ച് ദൈവദശകം പ്രാർത്ഥന നടത്തുമെന്ന് യൂണിയൻ ചെയർമാൻ എം.ബി.ശ്രീകുമാറും കൺവീനർ അനിൽ പി.ശ്രീരംഗവും അറിയിച്ചു. വനിതാസംഘം, യൂത്ത്മൂവ്‌മെന്റ്, സൈബർസേന, എംപ്ലോയീസ് ഫോറം, വൈദികസമിതി, കുമാരികുമാര സംഘം, എംപ്ലോയീസ് പെൻഷനേഴ്‌സ് കൗൺസിൽ എന്നിവയുടെ സംയുക്ത ആഭിമുഖ്യത്തിലാണ് വിശ്വസമാധാന പ്രാർത്ഥനാ ദിനം ആചരിക്കുന്നതെന്നും അനിൽ പി.ശ്രീരംഗം അറിയിച്ചു.