കിളിക്കൊല്ലൂർ : പാൽകുളങ്ങര ഭഗവതി ക്ഷേത്രത്തിൽ മഹാശിവദീപം നാളെ നടക്കും. രാവിലെ 6.30ന് ക്ഷേത്രം മേൽ ശാന്തിയുടെ മുഖ്യ കാർമ്മികത്വത്തിൽ ആരംഭിക്കുന്ന പൂജയിൽ ഭക്തജനങ്ങൾക്ക് കൊവിഡ് മാനദണ്ഡം പാലിച്ച് പങ്കെടുക്കാം. ശ്രീ കോവിലിൽ നിന്ന് തെളിച്ച് നൽകുന്ന ദീപം ശ്രീകോവിലിൽ ഒരു പ്രദക്ഷിണവും ക്ഷേത്രത്തിൽ 3 പ്രദക്ഷിണവും വച്ച് ഉദ്ദിഷ്ടകാര്യം ഭഗവാന്റെ സന്തതസഹചാരിയായ നന്ദികേശന്റെ കാതിൽ മന്ത്രിക്കുന്ന ചടങ്ങാണ് മഹാശിവദീപം. ശിവദീപത്തോട് അനുബന്ധിച്ചു നടന്നുവരാറുള്ള കഞ്ഞിസദ്യ ഇത്തവണയില്ല. ശിവദീപത്തിന് വേണ്ട ഒരുക്കങ്ങൾ പൂർത്തിയായെന്ന് സെക്രട്ടറി സി. ബിജു, പ്രസിഡന്റ്‌ ജെ. ദിലീപ് കുമാർ എന്നിവർ അറിയിച്ചു.