കൊല്ലം: കൊല്ലത്തെ സാമൂഹിക - സാംസ്കാരിക മേഖലകളിലും ഗവ. കരാർ രംഗത്തും അരനൂറ്റാണ്ട് നിറഞ്ഞുനിന്ന അപൂർവ വ്യക്തിത്വത്തിനുടമയായ പി. വിശ്വനാഥൻ ഓർമ്മയായിട്ട് ഇന്ന് ഒരു വർഷമാകുന്നു. ഏഴുവർഷം മുൻപ് അദ്ദേഹം പടുത്തുയർത്തിയ കൊല്ലം ജില്ലാ ഗവ. കോൺട്രാക്‌ടേഴ്‌സ് സഹകരണ സംഘത്തിൽ ഇന്ന് രാവിലെ 10ന് പ്രസിഡന്റ് പുണർതം പ്രദീപിന്റെ അദ്ധ്യക്ഷതയിൽ സംഘം ഭരണസമിതി അംഗങ്ങളും ഗവ. കരാറുകാരും സംഘം ജീവനക്കാരും ചേർന്ന് ഒന്നാം ഓർമ്മദിനം ആചരിക്കും. സഹകരണസംഘം ഡയറക്ടർ ബോർഡ് മെമ്പർമാരായ പി.കെ. അശോകൻ, അജിത് പ്രസാദ് ജയൻ, കെ.എസ്. അൻസർ, ബി. മധു, എസ്. രാജു, പി. അംബുജാക്ഷൻ, എസ്. ഷേർളി, കെ. തങ്കച്ചി, സിമി അൻസർ, സംഘം സെക്രട്ടറി ഷീലാബാബു, സംഘം ജീവനക്കാരും അസോസിയേഷൻ ഭാരവാഹികളുമായ ജെ. ബദറുദ്ദീൻ, അജിത്ത് പ്രസാദ് ജയൻ, പി. അജയകുമാർ, മന്മഥൻപിള്ള, ആർ. കൃഷ്ണലാൽ സുഗതൻ, പി.എച്ച്. റഷീദ്, സത്യശീലൻ സത്യരാജൻ, സദാശിവൻ പിള്ള, ജി. ഗോപകുമാർ, സുനിൽകുമാർ, ബാഹുലേയൻ, സുമംഗളൻ, കെ.എസ്. ചന്ദ്രലാൽ, റെജി, അശോകൻ, ജയന്ദ്രജൻ, ഫൈസൽ, പ്രവീൺ, രഘുനാഥൻപിള്ള തുടങ്ങിയവർ സംസാരിക്കും. യോഗത്തിൽ പി. വിശ്വനാഥന്റെ ഭാര്യ ഡോ. ഉഷ വിശ്വനാഥൻ, മകൻ പത്മനാഭൻ തുടങ്ങിയവർ പങ്കെടുക്കും.
ജില്ലാ ഗവ. കോൺട്രാക്‌ടേഴ്‌സ് സഹകരണ സംഘത്തെ ക്ലാസ് -1 കാറ്റഗറിയിൽ എത്തിച്ചത് സ്ഥാപക പ്രസിഡന്റ് പി. വിശ്വനാഥനാണ്. കൊല്ലം പട്ടണത്തിലെ പുഷ്‌പോത്സവം നല്ല നിലയിൽ നടത്തിയിരുന്നത് ജനറൽ കൺവീനറായിരുന്ന പി. വിശ്വനാഥന്റെ കരുത്തിലാണ്. കൊല്ലം പീപ്പിൾസ് ഇൻഷേറ്റീവ് സെക്രട്ടറി, ക്വയിലോൺ അത്‌ലറ്റിക്‌സ് ക്ലബ് രക്ഷാധികാരി, കൊല്ലം ജില്ലാ സ്‌പോർട്സ് കൗൺസിൽ വൈസ് പ്രസിഡന്റ്, കേരളാ ബിൽഡിംഗ്‌സ് ആൻഡ് അദർ കൺസ്ട്രക്ഷൻ വർക്കേഴ്‌സ് വെൽഫെയർ ബോർഡ് മെമ്പർ എന്നീ നിലകളിൽ പ്രവർത്തിച്ചിരുന്നു. കാർഗിൽ ഫണ്ട് 2020 എന്ന പേരിൽ ഉഷാഉതുപ്പിന്റെ ഗാനമേള സംഘടിപ്പിച്ച് ധനശേഖരണം നടത്തിയതിന് സർക്കാരിന്റെ പ്രശംസയ്ക്കും അർഹനായി. അഷ്ടമുടി ബോട്ട് റേസ് ക്ലബ് രൂപീകരിച്ച് സെക്രട്ടറിയായും വള്ളംകളി ജനറൽ കൺവീനറായും പ്രവർത്തിച്ചു. കൊല്ലം ജില്ലയിലെ കരാറുകാരും കൊല്ലം പൗരാവലിയും ചേർന്ന് ഫൗണ്ടേഷൻ രൂപീകരിക്കുന്നതിനാണ് ഇന്ന് പി. വിശ്വനാഥൻ അനുസ്മരണം സംഘടിപ്പിക്കുന്നത്.