ചാത്തന്നൂർ: ബൈക്ക് മോഷണക്കേസിലെ പ്രതിയെ പാരിപ്പള്ളി പൊലീസ് പിടികൂടി. കല്ലുവാതുക്കൽ മണ്ണയം നിതീഷ് ഭവനിൽ ഇട്ടുപ്പി എന്നറിയപ്പെടുന്ന മഹിലാലാണ് (19) അറസ്റ്റിലായത്. മണ്ണയത്ത് നിന്ന് മോഷണം പോയ ബൈക്കിനെപ്പറ്റി പൊലീസ് അന്വേഷണം നടക്കവേ ചാത്തന്നൂർ എ.സി.പി വൈ. നിസാമുദ്ദീന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടയ്ക്കലിൽ നിന്നുമാണ് പ്രതിയെ പിടികൂടിയത്.

പാരിപ്പള്ളി ഐ.എസ്.എച്ച്.ഒ ടി. സതികുമാറിന്റെ നേതൃത്വത്തിൽ എസ്.ഐ വി. സജു, അഡി. എസ്.ഐ എൻ. അനീസ, ജി.എസ്.ഐ രാമചന്ദ്രൻ, എസ്.സി.പി.ഒ നൗഷാദ്, സി.പി.ഒ രാജേഷ് എന്നിവരാണ് അന്വേഷണ സംഘത്തിലുണ്ടായിരുന്നത്. പരവൂർ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.