കൊല്ലം: മ​ഹാ​ത്മാഗാ​ന്ധി പീ​സ് ഫൗ​ണ്ടേ​ഷ​ന്റെ 30-ാമത്​ വാർ​ഷി​ക ദിനാഘോഷവും ഡോ. ഷ​ഹാൽ ഹ​സൻ മുസലിയാർ, ആർ. പ്രകാശൻപി​ള്ള എ​ന്നി​വർ​ക്കു​ള്ള ഗാ​ന്ധി പു​ര​സ്​കാ​ര സമർപ്പണവും നാളെ നടക്കുമെന്ന് ജനറൽ സെ​ക്ര​ട്ട​റി അ​ഡ്വ. എൻ. സു​ഗ​തൻ, ക​ട​വൂർ ഗോ​പ​കു​മാർ എ​ന്നി​വർ അ​റി​യി​ച്ചു. രാവിലെ 10.30ന് കൊല്ലം പബ്ളിക് ലൈബ്രറി ഹാളിൽ നടക്കുന്ന ചടങ്ങിൽ ദിനാഘോഷ പരിപാടികളുടെ ഉദ്ഘാടനവും പുരസ്കാര സമർപ്പണവും മേഘാലയ ഗവർണർ പി.എസ്. ശ്രീധരൻപിള്ള നിർവഹിക്കും.

പരിപാടികളുടെ ഭാഗമായി 'ഗാ​ന്ധി ചി​ന്ത​ക​ളു​ടെ പ്ര​സ​ക്തി​യും ആ​ധു​നി​ക ഭാ​ര​തം നേ​രി​ടു​ന്ന വെ​ല്ലു​വി​ളി​ക​ളും' എ​ന്ന വിഷയത്തിൽ സംഘടിപ്പിക്കുന്ന ചർ​ച്ച​യും ടി.കെ.എം സെന്റി​ന​റി സ്​കൂ​ളിൽ ഫൗണ്ടേ​ഷന്റെ നേതൃത്വത്തിൽ ആരംഭിക്കു​ന്ന ഗാ​ന്ധി​യൻ പഠ​നകേ​ന്ദ്ര​വും മ​ന്ത്രി കെ. രാ​ജു ഉദ്ഘാടനം ചെയ്യും. ഫൗ​ണ്ടേ​ഷൻ ന​ട​പ്പി​ലാ​ക്കു​ന്ന തൊഴിൽ പ​രി​ശീ​ല​ന പ​രി​പാ​ടി​ക​ൾ എൻ.കെ. പ്രേ​മ​ച​ന്ദ്ര​ൻ എം.പിയും ലൈ​ബ്ര​റി​കളിലേക്ക് സൗജന്യമാ​യി നൽ​കു​ന്ന ഗാ​ന്ധി പു​സ്ത​ക​ങ്ങ​ളു​ടെ വി​ത​ര​ണം എം. മു​കേ​ഷും ഉദ്ഘാടനം ചെയ്യും.

ഫൗണ്ടേഷൻ സം​സ്ഥാ​ന ചെ​യർ​മാൻ എ​സ്. പ്ര​ദീ​പ് കു​മാർ അ​ദ്ധ്യ​ക്ഷ​ത​ വഹിക്കും. മേ​യർ പ്രസ​ന്ന ഏ​ണസ്റ്റ് മുഖ്യാതിഥിയായിരിക്കും. ശ്രീ​നാ​രാ​യ​ണഗു​രു ഓ​പ്പൺ സർ​വ​ക​ലാ​ശാ​ല പ്രൊ. വൈ​സ് ചാൻ​സ​ലർ ഡോ. എ​സ്.വി. സു​ധീർ മുഖ്യപ്രഭാ​ഷ​ണം നടത്തും. ഫാ. ഡോ. ഒ. തോ​മ​സ് വി​ഷ​യാവതരണം നടത്തും. ശ്രീ​നാ​ഥ് വി​ഷ്​ണു, ജെ. വിജയൻ, ഡോ. ജി. വിജയകു​മാർ, ബെർ​ലി സി​റി​യ​ക് നെ​ല്ലു​വേ​ലി എ​ന്നി​വ​രെ ച​ട​ങ്ങിൽ ആ​ദ​രി​ക്കും.