കൊല്ലം: റോട്ടറി ക്ലബ് ഒഫ് കൊല്ലം ബൈപ്പാസ് സിറ്റിയും മങ്ങാട് പി.എച്ച്.സിയും സംയുക്തമായി 12 മുതൽ 30 വരെ (തിങ്കൾ, ചൊവ്വ, വ്യാഴം, വെള്ളി, ശനി ദിവസങ്ങളിൽ) മങ്ങാട് റോട്ടറി കമ്മ്യൂണിറ്റി സെന്ററിൽ സൗജന്യ കൊവിഡ് വാക്സിനേഷൻ ക്യാമ്പ് സംഘടിപ്പിക്കും. 12ന് രാവിലെ 8.30ന് കേരളകൗമുദി കൊല്ലം യൂണിറ്റ് ചീഫും റസിഡന്റ് എഡിറ്ററുമായ ആർ. രാധാകൃഷ്ണൻ ഉദ്ഘാടനം നിർവഹിക്കും. മങ്ങാട് പി.എച്ച്.സി മെഡിക്കൽ ഒാഫീസർ ഡോ. സീമ, കൗൺസിലർമാരായ ഗിരീഷ്, സാബു, റോട്ടറി ക്ലബ് ഒഫ് കൊല്ലം ബൈപ്പാസ് സിറ്റി മുൻ അസിസ്റ്റന്റ് ഗവർണറും നിലവിലെ പ്രസിഡന്റുമായ റൊട്ടേറിയൻ എസ്.ആർ. സജീവ്, മുൻ അസിസ്റ്റന്റ് ഗവർണറും നിലവിലെ സെക്രട്ടറിയുമായ റൊട്ടേറിയൻ മനോജ്, ട്രഷറർ റൊട്ടേറിയൻ രാജുലാൽ, സോൺ അസിസ്റ്റന്റ് ഗവർണ‍ർ റൊട്ടേറിയൻ ടി.എം. ഗോപൻ നായർ, ക്ലബ് മെമ്പർമാർ തുടങ്ങിയവർ പങ്കെടുക്കും. 45ന് മുകളിൽ പ്രായമുള്ളവർ ആധാർ കാർഡുമായെത്തിയാൽ അവിടെവച്ചുതന്നെ ഒാൺലൈൻ രജിസ്ട്രേഷൻ നടത്തി വാക്സിനെടുക്കാം. കൂടുതൽ വിവരങ്ങൾക്ക്: 0474 2707988, 9447035556, 9447073330, 9387156498.