കടയ്ക്കൽ: ചിതറ ഉണ്ണി മുക്ക് വേങ്കോട് റൂട്ടിൽ ഞാറ മരം ഒടിഞ്ഞ് വൈദ്യുതി കമ്പിയിൽ വീണ്‌ ഗതാഗതം തടസപെട്ടു. ഇന്നലെ വൈകിട്ട് 7 നാണ് സംഭവം. ഫ്രാങ്കോ വില്ലയിൽ ഉണ്ണികൃഷ്ണ പിള്ളയുടെ വീട്ടിൽ റോഡരികിൽ നിന്ന ഞാറ മരമാണ് പകുതി വച്ച് ഒടിഞ്ഞ് ഇലക്ട്രിക് ലൈനിലും റോഡിലുമായി വീണത്. കടയ്ക്കൽ ഫയർആൻഡ് റസ്ക്യു ടീം അസി. സ്റ്റേഷൻ ഓഫീസർ ടി.വിനോദ് കുമാറിന്റെ നേതൃത്വത്തിൽ ഫയർ ആൻഡ് റസ്ക്യൂ ടീം ഗിരീഷ്കുമാർ , രാഗേഷ്, അരവിന്ദൻ , ബൈജു എന്നിവർ എത്തി മരം മുറിച്ച് മാറ്റി ഗതാഗതം പുനസ്ഥാപിച്ചു.