കൊല്ലം: ജയലക്ഷ്മി വിനോദിന്റെ നിറമണിഞ്ഞ തൂവലുകൾ, മേഘ്ന ഹരിയുടെ പൂവാകയും പൂത്തുമ്പിയും, നിരഞ്ജന്റെ ഒറ്റയില ചില്ലകൾ എന്നീ പുസ്തകങ്ങളുടെ പ്രകാശനം 18ന് നടക്കും. പുത്തൂർ സായന്തനം ഗാന്ധിഭവൻ അഭയകേന്ദ്രത്തിൽ നടക്കുന്ന ചടങ്ങിൽ മുൻ എം.പി. കെ.എൻ. ബാലഗോപാൽ, ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാന തപസ്വി, കൊട്ടാരക്കര നഗരസഭാ ചെയർമാൻ എ. ഷാജു എന്നിവർ പുസ്തകങ്ങൾ പ്രകാശനം ചെയ്യും. കവി ഇഞ്ചക്കാട് ബാലചന്ദ്രൻ, ഗാന്ധിഭവൻ വൈസ് ചെയർമാൻ പി.എസ്. അമൽരാജ്, വികാസ് സെക്രട്ടറി ബാബു രാജേന്ദ്രൻ പിള്ള എന്നിവർ ഏറ്റുവാങ്ങും. സായന്തനം കോ ഓർഡിനേറ്റർ കോട്ടാത്തല ശ്രീകുമാറിന്റെ അദ്ധ്യക്ഷതയിൽ ചേരുന്ന യോഗത്തിൽ മുൻ പഞ്ചായത്ത് പ്രസിഡന്റ് ജെ. രാമാനുജൻ ഉപഹാരം സമർപ്പിക്കും. നൃപൻദാസ് (പുരോഗമന കലാസാഹിത്യസംഘം) മുഖ്യാതിഥിയാകും. സാഹിത്യകാരി രശ്മി സജയൻ, ഗ്രാമ പഞ്ചായത്തംഗം അഖില മോഹൻ, സ്വപ്ന ജയൻസ്, ജെ.എസ്. ഇന്ദു, അജീഷ് കൃഷ്ണ, ജയലക്ഷ്മി വിനോദ് എന്നിവർ സംസാരിക്കും.