മയ്യനാട്: വലിയതോട്ടത്തുകാവ് മഹാദേവർ ക്ഷേത്രത്തിലെ മേട തിരുവാതിര ഉത്സവം 11ന് ആരംഭിച്ചു. 18നാണ് സമാപനം. 16,​ 17 തീയതികളിൽ രാവിലെ 4.30ന് പള്ളിയുണർത്തൽ,​ 5ന് നിർമ്മാല്യ ദർശനം,​ 6ന് മഹാഗണപതിഹോമം,​ 7ന് ഉഷപൂജ,​ 7.30ന് മൃത്യുഞ്ജയഹോമം,​ 8ന് തോറ്റംപാട്ട്,​ 9ന് നവകം പഞ്ചഗവ്യം,​ 10ന് കലശാഭിഷേകവും ഉച്ചപൂജയും,​ 11ന് ശ്രീഭൂതബലി,​ വൈകിട്ട് 5ന് തോറ്റംപാട്ട്,​ 6ന് അലങ്കാര ദീപാരാധന,​ 8ന് അത്താഴപൂജ,​ 8.30ന് ശ്രീഭൂതബലി എന്നിവയുണ്ടാകും. ഇന്ന് രാവിലെ 10.30ന് ഭുവനേശ്വരി ദേവിക്ക് വിശേഷാൽ പൂജ. 17ന് രാവിലെ 10.30ന് ഹനുമാൻ സ്വാമിക്ക് വിശേഷാൽ പൂജ. 18ന് രാവിലെ നിത്യപൂജകൾക്ക് ശേഷം 9.30ന് പൊങ്കാല,​ 11ന് നാഗദേവങ്ങൾക്ക് ആയില്യംഊട്ട്,​ 11.30ന് അരയിരുത്തും പിടിപാട്ടും,​ വൈകിട്ട് 7ന് കൊടിയിറക്ക്,​ ഗുരുസി എന്നിവ നടക്കും.