തൊടിയൂർ: കൊവിഡ് ബാധിച്ച് അലപ്പുഴ വണ്ടാനം മെഡിക്കൽ കോളേജിൽ ചികിത്സയിലായിരുന്ന 75കാരൻ മരിച്ചു. തൊടിയൂർ കല്ലുകടവ് അനിൽ ഭവനത്തിൽ ഭാസ്കരനാണ് മരിച്ചത്. കരുനാഗപ്പള്ളി ക്യാപ്ടൻ ലക്ഷ്മി പാലിയേറ്റീവ് കെയർ സെന്ററിലെ വാളണ്ടിയർമാരും കല്ലേലിഭാഗം മേഖലാ കമ്മിറ്റിയിലെ ഡി.വൈ.എഫ്.ഐ പ്രവർത്തകരും ചേർന്ന് മൃതദേഹം മെഡിക്കൽ കോളേജിൽ നിന്ന് ഏറ്റുവാങ്ങി ഉച്ചയോടെ വീട്ടുവളപ്പിൽ സംസ്കരിച്ചു. ലീലയാണ് ഭാസ്കരന്റെ ഭാര്യ. മക്കൾ: അനിൽകുമാർ, ഹരിലാൽ, ഹരിദാസ്, അമ്പിളി. മരുമക്കൾ: ശ്രീലത, ഷൈനിയോരാജ്, കുഞ്ഞുമോൾ, രമേശൻ. സഞ്ചയനം 19ന് തിങ്കളാഴ്ച രാവിലെ 7ന് .