കൊട്ടാരക്കര : കൊവിഡ് നിയന്ത്രിക്കുന്നതിന്റെ ഭാ​ഗമായി കൊല്ലം റൂറൽ മേഖലയിൽ നിയന്ത്രണങ്ങൾ കർശനമാക്കിയതായി കൊല്ലം റൂറൽ ജില്ലാ പൊലീസ് മേധാവി കെ.ബി.രവി ഐ.പി.എസ് അറിയിച്ചു. ജില്ലയിൽ കഴിഞ്ഞദിവസം വ്യാപകമായി നടത്തിയ പ്രവർത്തനങ്ങളുടെ ഭാ​ഗമായി സാമൂഹിക അകലം പാലിക്കാത്ത കേസുകളിൽ 1577 പേർക്ക് താക്കീത് നൽകി 95 പേർക്കെതിരെ കേസ് രജിസ്റ്റർ ചെയ്ത് നിയമ നടപടികൾ സ്വീകരിച്ചു. കേസുകൾ കൂടുതൽ റിപ്പോർട്ട് ചെയ്യുന്ന പ്രദേശങ്ങളിൽ കൂടുതൽ കർശന നിയന്ത്രണങ്ങൾ ഏർപ്പെടുത്തുമെന്ന് ജില്ലാ പൊലീസ് മേധാവി അറിയിച്ചു.