കരുനാഗപ്പള്ളി :വള്ളികുന്നത്ത് എസ്. എഫ്. ഐ പ്രവർത്തകൻ അഭിമന്യുവിനെ കുത്തി കൊലപ്പെടുത്തിയതിൽ പ്രതിഷേധിച്ച് എസ്.എഫ്.ഐ കരുനാഗപ്പള്ളി ഏരിയാ കമ്മിറ്റിയുടെ നേതൃത്വത്തിൽ ടൗണിൽ പ്രതിഷേധ പ്രകടനം സംഘടിപ്പിച്ചു. കരുനാഗപ്പള്ളി ഹെഡ് പോസ്റ്റാഫീസിന് മുന്നിൽ നിന്ന് ആരംഭിച്ച പ്രകടനം ടൗൺ ചുറ്റി സമാപിച്ചു. എസ്.എഫ്.ഐ ഏരിയാ കമ്മിറ്റി പ്രസിഡന്റ് മുസാഫിർ സുരേഷ്, സംസ്ഥാന കമ്മിറ്റി അംഗം ആര്യ പ്രസാദ്, അപ്പു സുധൻ, ത്രിപതി, നിതിൻ,മിഥില തുടങ്ങിയവർ നേതൃത്വം നൽകി.