പത്തനാപുരം :എസ്. എൻ. ഡി. പി യൂണിയനിലെ പിറവന്തൂർ 3623-ാം നമ്പർ ശാഖയുടെ വാർഷിക പൊതുയോഗവും അവാർഡ് വിതരണവും നാളെ രാവിലെ 10മണിക്ക് ശാഖ ഹാളിൽ നടക്കും. യൂണിയൻ പ്രസിഡന്റ് ആദകോട് കെ. ഷാജിയുടെ അദ്ധ്യക്ഷതയിൽ കൂടുന്ന യോഗം യൂണിയൻ സെക്രട്ടറി ബി. ബിജു ഉദ്ഘാടനം ചെയ്യും. ശാഖ സെക്രട്ടറി റിപ്പോർട്ടും കണക്കും അവതരിപ്പിക്കും. തുടർന്ന് ശാഖ, വനിതാസംഘം, യൂത്ത്മൂവ്മെന്റ് എന്നിവയുടെ തിരഞ്ഞെടുപ്പ് നടക്കും. യോഗത്തിൽ യൂണിയൻ വൈസ് പ്രസിഡന്റ് കെ. കെ. ശശീന്ദ്രൻ എസ്.എസ്.എൽ.സി,പ്ലസ് ടു മുഴുവൻ വിഷങ്ങൾക്കും എ പ്ളസ് വാങ്ങിയ കുട്ടികൾക്കുള്ള അവാർഡ് വിതരണം ചെയ്യും. യോഗം ഡയറക്ടർ ബോർഡ്‌ അംഗം പിറവന്തൂർ ഗോപാലകൃഷ്ണൻ, യൂണിയൻ കൗൺസിലർ വി. ജെ .ഹരിലാൽ, യൂണിയൻ പഞ്ചായത്ത്‌ കമ്മിറ്റി അംഗം എൻ. പി. ഗണേഷ് കുമാർ, വനിതാസംഘം യൂണിയൻ പ്രസിഡന്റ് സുലത പ്രകാശ്, യൂണിയൻ കൗൺസിലറും വനിതാസംഘം യൂണിയൻ സെക്രട്ടറിയുമായ എസ്. ശശിപ്രഭ, യൂണിയൻ കൗൺസിലറും യൂത്ത്മൂവ്മെന്റ് യൂണിയൻ പ്രസിഡന്റുമായ റിജു. വി. ആമ്പാടി, യൂത്ത്മൂവ്മെന്റ് യൂണിയൻ സെക്രട്ടറി ബിനു സുരേന്ദ്രൻ എന്നിവർ സംസാരിക്കും. ശാഖ പ്രസിഡന്റ് എസ്. സുഭാഷ് സ്വാഗതവും നിയുക്ത പ്രസിഡന്റ് കൃതജ്ഞതയും പറയും.