കരുനാഗപ്പള്ളി : ലോക കലാ ദിനത്തോടനുബന്ധിച്ച് ശാരീരിക മാനസിക വെല്ലുവിളി നേരിടുന്ന കുട്ടികൾക്കായി വിവിധ പരിശീലനങ്ങളും ആർട്ട് എക്സിബിഷനും വലിയത്ത് മെഡിക്കൽ ഇൻസ്റ്റിറ്റ്യൂട്ടിൽ സംഘടിപ്പിച്ചു. നഗരസഭാ ചെയർമാൻ കോട്ടയിൽ രാജു ചടങ്ങ് ഉദ്ഘാടനം ചെയ്തു. ആശുപത്രി ചെയർമാൻ എ. ഇബ്രാഹിംകുട്ടി അദ്ധ്യക്ഷനായി. ട്രാഫിക് നിയമങ്ങൾ സംബന്ധിച്ച് കരുനാഗപ്പള്ളി പൊലീസ് സർക്കിൾ ഇൻസ്പെക്ടർ വിൻസന്റ് എം .എസ്. ദാസും ഹോർട്ടികൾച്ചർ സംബന്ധിച്ച് കൃഷി ഓഫീസർ വീണാവിജയനും ക്ലാസ് നയിച്ചു. രക്ഷകർത്താക്കൾക്കുള്ള പരിശീലന പരിപാടി ന്യൂറോളജിസ്റ്റ് ഡോ.പി. എ .സുരേഷ് ഉദ്ഘാടനം ചെയ്തു. തുടർന്ന് ന്യൂറോ ഡിപ്പാർട്ട്മെന്റ് നേതൃത്വം നൽകിയ ആർട്ട് ആൻഡ് ക്രാഫ്റ്റ് ട്രെയിനിംഗും വിവിധ പരിശീലന പരിപാടികളും ആർട്ട് എക്സിബിഷനും സംഘടിപ്പിച്ചു പരിശീലനങ്ങൾക്ക് വലിയം മെമ്മോറിയൽ സ്കൂളിലെ അദ്ധ്യാപകരും വിദ്യാർത്ഥികളും നേതൃത്വം നൽകി. വലിയത്ത് ഇൻസ്റ്റിറ്റ്യൂട്ട് ഒഫ് മെഡിക്കൽ സയൻസിലെ ന്യൂറോളജിയുടെയും മറ്റ് മെഡിക്കൽ വിഭാഗത്തിന്റെയും നേതൃത്വത്തിലാണ് പരിപാടി സംഘടിപ്പിച്ചത്. മാനേജിംഗ് ഡയറക്ടർ ഐ .വി .സിനോജ്, മുഹമ്മദ്ഷാ, ഡെപ്യൂട്ടി മെഡിക്കൽ സൂപ്രണ്ട് ഡോ. ആകാശ് റാഷിദ്, ഡോ.നവ്യ, ഡോ.ഷിബു എന്നിവർ നേതൃത്വം നൽകി.