അഞ്ചൽ: ലയൺസ് ക്ലബ് ഇന്റർനാഷണൽ ഡിസ്ട്രിക്ട് 318എ റീജിയൺ 11 കോൺഫറൻസ് അഞ്ചലിൽ നടന്നു. അൽ അമാൻ കൺവെൻഷൻ സെന്ററിൽ നടന്ന കോൺഫറൻസ് ലയൺസ് ക്ലബ് മുൻ ഇന്റർ നാഷണൽ ഡയറക്ടർ ആർ. മുരുകൻ ഉദ്ഘാടനം ചെയ്തു. റിജിയൺ ചെയർമാൻ അനീഷ് കെ. അയിലറ അദ്ധ്യക്ഷത വഹിച്ചു. റിജിയണിൽ നടത്തുന്ന സർവീസ് പ്രൊജക്ടുകളുടെ ഉദ്ഘാടനം മുൻ ഡിസ്ട്രിക്ട് ഗവർണർ ഡോ.എ.ജി. രാജേന്ദ്രൻ നിർവഹിച്ചു. ലയൺസ് ക്ലബിൽ പുതിയതായി അംഗത്വമെടുത്തവരെ സ്വീകരിക്കുന്ന ചടങ്ങ് മുൻ ഡിസ്ട്രിക്ട് ഗവർണർ അഡ്വ. ജി. സുരേന്ദ്രൻ നിർവഹിച്ചു. അഞ്ചൽ, ആയൂർ, കടയ്ക്കൽ ക്ലബുകളിലെ അംഗങ്ങൾ നിർമ്മിച്ച മൂന്ന് വീടുകളുടെ താക്കോൽ ദാനവും ചടങ്ങിൽ നടന്നു. മുൻ മൾട്ടിപ്പിൾ കൗൺസിൽ ചെയർപേഴ്സൺ കെ. സുരേഷ് മുഖ്യ പ്രഭാഷണം നടത്തി. സോൺ ചെയർമാൻമാരായ എൽ.ആർ. ജയരാജ്, ജി. സുഗതൻ എന്നിവർ റിപ്പോർട്ട് അവതരിപ്പിച്ചു. ശബരി ഗിരിഗ്രൂപ്പ് ചെയർമാൻ ഡോ. വി.കെ. ജയകുമാർ, സരസ്വതി രവീന്ദ്രനാഥ്, എസ്. പ്രദീപ്, ബി. അജയകുമാർ, പി. ശിവകുമാർ, ഫ്രാൻസിസ് ആൽബർട്ട്, രാധാകൃഷ്ണൻ സി. പിള്ള, രഞ്ജു ടിൻസൺ, ഡോ. കെ.ജി. ഉണ്ണിത്താൻ, ലീനാ അലക്സ്, കെ. യശോധരൻ, ഫസൽ അൽ അമാൻ, ജയചന്ദ്രൻപിള്ള, സി. സജികുമാർ തുടങ്ങിയവർ സംസാരിച്ചു.