ച​വ​റ: ച​വ​റ വി​കാ​സ് ക​ലാ​സാം​സ്​കാ​രി​ക​ സ​മി​തി​ ജീ​വ​കാ​രു​ണ്യ പ്ര​വർ​ത്ത​ന​ങ്ങൾ​ക്കാ​യി രൂ​പീ​ക​രി​ച്ച എ. ജോ​സ് ഫൗ​ണ്ടേ​ഷ​ന്റെ നേതൃത്വത്തിൽ ച​വ​റ ഗ്രാ​മ പ​ഞ്ചാ​യ​ത്തി​ലെ കാൻ​സർ രോ​ഗി​കൾ​ക്ക് സ്ഥി​ര​മാ​യി സ​ഹാ​യം നൽ​കു​ന്ന പ​ദ്ധ​തിയുടെ ഉദ്ഘാടനം 24ന് നടക്കും. വി​കാ​സ് ഭ​ദ്രം പ​ദ്ധ​തി​യി​ലൂ​ടെ കാൻ​സർ സാ​ദ്ധ്യ​തയുള്ളവ​രെ പ​രി​ശോ​ധ​ന​യ്ക്ക് വി​ധേ​യ​രാ​ക്കി പ്രാ​ഥ​മി​ക ല​ക്ഷ​ണ​മുള്ള​വർ​ക്ക് ചി​കി​ത്സ നൽ​കിയിരുന്നു. വളരെ കഷ്ടപ്പാട് അനുഭവിക്കുന്ന 40 പേരെ കണ്ടെത്തി അവരുടെ ചി​കി​ത്സയ്​ക്ക് പു​റ​മേയുള്ള സം​ര​ക്ഷ​ണച്ചു​മ​ത​ലയാണ് ഫൗണ്ടേഷൻ ഏറ്റെടുക്കുന്നത്. ഇ​വർ​ക്ക് പോ​ഷ​കാ​ഹാ​രം, വ​സ്​ത്ര​ങ്ങൾ, കി​ട​ക്ക, വീൽ​ചെ​യർ, മ​രു​ന്നു​കൾ, കൗൺ​സലിം​ഗ് എ​ന്നി​വ​ നൽകും.
ര​ണ്ട് മാ​സ​ത്തി​ലൊ​രി​ക്കൽ സേവനങ്ങൾ വീ​ടു​ക​ളി​ലെ​ത്തി​ക്കും. കൂ​ടാ​തെ ര​ണ്ട് പാ​ലി​യേ​റ്റീ​വ് ന​ഴ്‌​സു​മാ​രു​ടെ സേ​വ​ന​വും ല​ഭ്യ​മാ​ക്കും. മു​ട​ങ്ങാ​തെ സഹായമെത്തിക്കാൻ എ. ജോ​സ് ഫൗ​ണ്ടേ​ഷ​ന്റെ​യും വി​കാ​സി​ന്റെ​യും 25 സ​ന്ന​ദ്ധ പ്ര​വർ​ത്ത​ക​രു​ടെ 5 ഗ്രൂ​പ്പു​ക​ളും നി​ല​വി​ലു​ണ്ട്.
5 ല​ക്ഷം രൂ​പ പ്ര​തി​വർ​ഷം ചെ​ല​വ് പ്ര​തീ​ക്ഷി​ക്കു​ന്ന പ​ദ്ധ​തി​യി​ലേ​ക്ക് 100 പേ​രെ അം​ഗ​ങ്ങ​ളായി ചേർ​ത്തി​ട്ടു​ണ്ട്. ഇ​വ​രു​ടെ സം​ഭാ​വ​ന​യാ​ണ് പ​ദ്ധ​തി​യു​ടെ സാ​മ്പ​ത്തി​ക സ്രോ​ത​സ്. ഇ​പ്പോൾ ക​ണ്ടെ​ത്തി​യ 40 പേർ​ക്ക് 24 മു​തൽ സ​ഹാ​യം എ​ത്തി​ക്കും. ജീ​വ​കാ​രു​ണ്യ പ്ര​വർത്ത​ന​ത്തി​ന്റെ ഉ​ദ്​ഘാ​ട​നം ജി​ല്ലാ പ​ഞ്ചാ​യ​ത്ത് പ്ര​സി​ഡന്റ് അ​ഡ്വ. സാം കെ. ഡാ​നി​യേൽ നിർ​വ​ഹി​ക്കും. നീ​ണ്ട​ക​ര കാൻ​സർ ര​ജി​സ്​ട്ര​റി​യി​ലെ ഡോ. കെ. ജ​യ​ല​ക്ഷ്​മി പ്രോ​ജ​ക്​ട് വി​ശ​ദീ​ക​രിക്കും. ച​വ​റ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡന്റ് സ​ന്തോ​ഷ് തു​പ്പാ​ശേരി, ച​വ​റ ഗ്രാ​മ​ പ​ഞ്ചാ​യ​ത്ത് പ്ര​സി​ഡന്റ് തു​ള​സീ​ധ​രൻ​ പി​ള്ള, ജി​ല്ലാ പ​ഞ്ചാ​യ​ത്ത് അംഗം അ​ഡ്വ. സി.പി. സു​ധീ​ഷ്​കു​മാർ, ബ്ലോ​ക്ക് പ​ഞ്ചാ​യ​ത്ത് മെ​മ്പർ സി. ര​തീ​ഷ്, ച​വ​റ ഗ്രാ​മ പ​ഞ്ചാ​യ​ത്ത് അം​ഗ​ങ്ങ​ളാ​യ സി. വ​സ​ന്ത​കു​മാർ, ഒ. വി​നോ​ദ്, ഡോ. നി​യാ​സ് മു​ഹ​മ്മ​ദ്, ഡോ. എൽ​വിൻ ജോ​സ് എ​ന്നി​വർ പ​ങ്കെ​ടു​ക്കും.