കൊല്ലം: കൊവിഡ് രോഗികളുടെ എണ്ണം കൂടിവരുന്ന സാഹചര്യത്തിൽ റെയിൽവേ മധുര ഡിവിഷൻ പരിധിയിലുള്ള പുനലൂർ സെക്ഷനിലെ എല്ലാ ജീവനക്കാർക്കും അടിയന്തരമായി കൊല്ലം ഹെൽത്ത് യൂണിറ്റിൽ വച്ച് വാക്സിൻ വിതരണം ചെയ്യണമെന്ന് എസ്.ആർ.ഇ.എസ് പുനലൂർ ബ്രാഞ്ച് ഭാരവാഹികളുടെ അടിയന്തര യോഗം ആവശ്യപ്പെട്ടു. യോഗത്തിൽ എസ്. മണികണ്ഠൻ അദ്ധ്യക്ഷത വഹിച്ചു. എം.ആർ. രാമചന്ദ്രൻ, ബിനിൽ പണിക്കർ, വിജേഷ്, ജിബിൻ, വിനോദ്, അനൂപ്, സിജു, ഗിരിഷ്, വിജി, സജി തുടങ്ങിയവർ സംസാരിച്ചു.