കൊല്ലം: കൊ​ല്ലം എസ്.എൻ കോ​ളേ​ജി​ലെ പൂർവ വിദ്യാർത്ഥി സംഘടനയുടെ സു​പ്ര​ധാ​ന രേ​ഖ​കൾ കോളേജ് കാമ്പസിനുള്ളിലെ ഓഫീസിൽ നിന്ന് ക​ട​ത്തി​ക്കൊ​ണ്ടു​പോ​യ സംഭവത്തിൽ സമഗ്ര അന്വേഷണത്തിന് കൊല്ലം സി.ജെ.എം കോടതിയുടെ ഉത്തരവ്. സം​ഘ​ട​ന​യു​ടെ ട്രഷ​റ​ർ കൂടിയായ കോ​ളേ​ജ്​ പ്രിൻ​സി​പ്പൽ സൂ​ക്ഷി​ക്കേ​ണ്ട​ കാ​ഷ്​ ബു​ക്കു​കൾ, പാ​സ് ​ബുക്കു​കൾ, ചെ​ക്ക്​ ബു​ക്കു​കൾ, ല​ഡ്​ജർ തു​ട​ങ്ങി​യവ കൊണ്ടുപോയ അ​സോ. സെ​ക്ര​ട്ട​റി ബാ​ല​ച​ന്ദ്രന്റെ നടപടികൾക്കെതിരെയാണ് കൊ​ല്ലം ചീ​ഫ്​ ജു​ഡി​ഷ്യൽ മ​ജി​സ്ട്രേറ്റ് പ്രസൂൺ മോഹൻ അന്വേണത്തിന് ഉത്തരവിട്ടത്.

അ​സോ​സി​യേ​ഷൻ ഓ​ഫീ​സി​ന്റെ താ​ക്കോ​ലും രേ​ഖ​ക​ളും സെ​ക്ര​ട്ട​റി​യു​ടെ വസതിയിൽ നിന്ന് ക​ണ്ടെ​ടു​ത്ത്​ കോ​ട​തി​യിൽ ഹാ​ജ​രാ​ക്കാനും കൊ​ല്ലം ഈ​സ്റ്റ് സി.ഐയ്ക്ക്​ നിർ​ദ്ദേശം നൽകി. എ​സ്​.എൻ കോ​ളേ​ജ്​ പ്രിൻ​സി​പ്പൽ ഡോ. ആർ. സുനിൽ​കുമാർ സ​മർ​പ്പി​ച്ച സ്വ​കാ​ര്യ അന്യായത്തിന്മേലാണ്​ കോ​ട​തിയുടെ ഉത്തരവ്. സംഘടനയുടെ ബൈലാ പ്രകാരം ട്ര​ഷ​റർ സൂ​ക്ഷി​ക്കേ​ണ്ട രേ​ഖ​കൾ സെ​ക്ര​ട്ട​റി അ​ന​ധി​കൃ​ത​മാ​യി ദുരു​പ​യോ​ഗം ചെ​യ്തെന്നും വരവുകൾ ബാ​ങ്കു​ക​ളിൽ നി​ക്ഷേ​പി​ക്കു​ന്ന​തിൽ വീ​ഴ്​ച്ച വ​രുത്തിയെന്നുമായിരുന്നു ഹർജിയിലെ പ്രധാന ആരോപണം.