തൃപ്രയാർ: ശ്രീ ഷൺമുഖസമാജം ഹനുമാൻ സ്വാമി ക്ഷേത്രത്തിൽ പ്രശ്‌നപരിഹാര പൂജകളുടെ ഭാഗമായി വെള്ളിയാഴ്ച രാവിലെ മഹാഗണപതി ഹോമം, മഹാ മൃത്യുഞ്ജയ ഹോമം, സുദർശന ഹോമം, ബാധാവേർപാട് എന്നിവ നടന്നു. വൈകീട്ട് ഭഗവതി സേവ, സഹസ്രനാമാദി ജപങ്ങൾ, അത്താഴപൂജ എന്നിവയുണ്ടായി. ശനിയാഴ്ച രാവിലെ മഹാഗണപതി ഹോമം, പായസഹോമം, തിലഹോമം, ഉച്ചപൂജ വൈകീട്ട് ഭഗവത് സേവ, സർപ്പബലി, സഹസ്രനാമാദികൾ, ഞായറാഴ്ച രാവിലെ മഹാഗണപതി ഹോമം, തിലഹോമം, സുബ്രഹ്മണ്യനും ഹനുമാനും നവകം, പഞ്ചഗവ്യാഭിഷേകം, ദ്യാദശനാമ പൂജ, സായൂജ്യപൂജ, ദക്ഷിണ എന്നിവ നടക്കും. പരിഹാര പൂജകൾക്ക് ക്ഷേത്രം തന്ത്രി വെളുത്തേടത്ത് തരണനല്ലൂർ പടിഞ്ഞാറെ മനക്കൽ പത്മനാഭൻ നമ്പൂതിരി മുഖ്യ കാർമ്മികത്വം വഹിച്ചു.
പ്രസിഡന്റ് സുഭാഷ് നാടോടി, സെക്രട്ടറി വിവേക് കെ, ജോയിന്റ് സെക്രട്ടറി സന്തോഷ് മാടക്കായി, ജനാർദനൻ കെ, പ്രദീപ് ഇ.സി, കെ.ശങ്കരൻ കുട്ടി, വി.ജി അശോകൻ, ബൈജു പി.എസ്, രാജു പി.എ, ഗിരീഷ് മോഹൻ, ശിവശങ്കരൻ പി, ശശി മാസ്റ്റർ എന്നിവർ നേതൃത്വം നൽകി.