തൃശൂർ: ജില്ലയിലെ സാംസ്‌കാരിക മണ്ഡലത്തിൽ സജീവ സാന്നിദ്ധ്യമായിരുന്ന മാദ്ധ്യമപ്രവർത്തകനും ഹ്രസ്വചിത്ര സംവിധായകനുമായിരുന്ന അകാലത്തിൽ വിട്ടുപിരിഞ്ഞ ജിയോസണ്ണിയോടുള്ള ആദരസൂചകമായി രംഗചേതനയുടെ നേതൃത്വത്തിൽ ജിയോയുടെ സുഹൃത്തുക്കളും മാദ്ധ്യമ പ്രവർത്തകരും സംസ്‌കാരിക പ്രവർത്തകരും ഒത്തുചേരുന്നു. ഏപ്രിൽ 11ന് വൈകീട്ട് 530 ന് കേരള സംഗീത നാടക അക്കാഡമി നാട്യഗൃഹത്തിൽ ചേരുന്ന അനുസ്മരണ യോഗത്തിൽ സി.ആർ. ദാസ്, തൃശൂർ പ്രസ് ക്ലബ് സെക്രട്ടറി വിനിത എം.വി, നടൻ സുനിൽ സുഖദ, സിനിമാ സംവിധായകൻ ബിജുലാൽ, ഡോ. മോഹൻദാസ്. ഇ.ഡി. ഡേവീസ്, ആന്റോ കല്ലേരി, ജിബിൻ, സുനിൽ തരകൻ തുടങ്ങി നിരവധിപേർ പങ്കെടുക്കും. ജിയോ സണ്ണി അവസാനമായി റിപ്പോർട്ട് ചെയ്ത നാടക പരിപാടി മാർച്ച് 8 വനിതാ ദിനത്തിന് രംഗചേതന അവതരിപ്പിച്ച കെ.വി. ഗണേഷ് രചനയും സംവിധാനവും നിർവഹിച്ച 'പെണ്ണഴക്'എന്ന നാടകം ആയിരുന്നു. നാടകത്തെയും സിനിമയെയും ഏറെ സ്‌നേഹിച്ച ജിയോസണ്ണിയോടുള്ള ആദര സൂചകമായി രംഗചേതന പ്രവർത്തകർ അന്നേ ദിവസം 'പെണ്ണഴക്' എന്ന നാടകം വീണ്ടും അരങ്ങിൽ അവതരിപ്പിക്കും.