ഇരിങ്ങാലക്കുട : മുകുന്ദപുരം സർക്കിൾ സഹകരണ യൂണിയന്റെ ആഭിമുഖ്യത്തിൽ ആരംഭിക്കുന്ന കൊവിഡ് വാക്‌സിൻ രജിസ്‌ട്രേഷൻ ഹെൽപ്പ് ഡെസ്‌ക് പ്രൊഫ. കെ.യു.അരുണൻ എം.എൽ.എ ഉദ്ഘാടനം ചെയ്തു. സർക്കിൾ സഹകരണ യൂണിയൻ ചെയർമാൻ ജോസ് ചിറ്റിലപ്പിള്ളി അദ്ധ്യക്ഷത വഹിച്ചു.

അസി. രജിസ്ട്രാർ എം.സി അജിത്, അസി. ഡയറക്ടർ കെ.ഒ ഡേവീസ് തുടങ്ങിയവർ പ്രസംഗിച്ചു. സർക്കിളിന്റെ കീഴിലുള്ള മുഴുവൻ സഹകരണ ബാങ്കുകളിലും തിങ്കളാഴ്ച മുതൽ പകൽ 1 മണി മുതൽ 4 മണി വരെ രജിസ്‌ട്രേഷൻ ചെയ്ത് കൊടുക്കും.