റോം, സിംഗപ്പൂർ, തായ്ലൻഡ് അടക്കം നിരവധി ചലച്ചിത്ര മേളകളിൽ മികച്ച സംവിധായകനുള്ള അവാർഡ് നേടിയ ആർ.ശ്രീനിവാസൻ സംവിധാനം ചെയ്യുന്ന 'മാടൻ' പൂർത്തിയായി. വിശ്വാസവും അന്ധവിശ്വാസവും കൂടിക്കലർന്ന ഒരു സമൂഹത്തിൽ ജീവിക്കേണ്ടി വരുമ്പോൾ ഒരു കുടുംബത്തിന് സംഭവിക്കുന്ന കഷ്ടനഷ്ടങ്ങളുടെ കഥയാണ് 'മാടൻ' എന്ന സിനിമ. കൊട്ടാരക്കര രാധാകൃഷ്ണൻ, ഹർഷിതാ നായർ, മിലൻ, അനാമിക, വഞ്ചിയൂർ പ്രവീൺകുമാർ, മുൻഷി ഹരീന്ദ്രൻ, സനേഷ്, മിഥുൻ മുരളി, പ്രദീപ് രാജ്, അശോക് ഭാസുര, മൻജിത്, സുനിൽ വിക്രം, ഷാനവാസ് പ്രഭാകർ, ആർ.എസ്.പ്രദീപ്, രാജൻ ആർക്കിടെക്ട്, അഖിലൻ ചക്രവർത്തി, സനിൽ നെടുമങ്ങാട്, മണക്കാട് രാമചന്ദ്രൻ നായർ, മനു സി. കണ്ണൂർ, ബ്രദേഴ്സ് മോഹൻ, അബൂബക്കർ, മഹേഷ്, വിഷ്ണുപ്രിയ, ബീയാട്രീസ് ഗോമസ്, ജയന്തികൃഷ്ണ, സുഷമ അനിൽ, രഞ്ജിനി സുധീരൻ, രാജി എന്നിവർ അഭിനയിക്കുന്നു. ശ്രീജിത്ത് സിനിമാസ് നിർമ്മിക്കുന്ന ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് കിഷോർ ലാലാണ്. അഖിലൻ ചക്രവർത്തി രചന നിർവഹിക്കുന്ന ചിത്രത്തിന്റെ എഡിറ്റിംഗ് വിഷ്ണു കല്യാണി നിർവഹിക്കുന്നു. തങ്കൻ തിരുവട്ടാർ, സന്തോഷ് പെരളി, അജയ്‌ഘോഷ്, വർഗ്ഗീസ് കുറത്തിക്കാട് എന്നിവരുടെ വരികൾക്ക് പെരുമ്പാവൂർ ജി. രവീന്ദ്രനാഥ്, രഞ്ജിനി സുധീരൻ എന്നിവരാണ് സംഗീതം നൽകുന്നത്. രഞ്ജിനി
സുധീരൻ, സുദ്ദീപ് കുമാർ, രവിശങ്കർ, പ്രാർത്ഥന, ഗായത്രി ശ്രീമംഗലം എന്നിവരാണ് ഗാനങ്ങൾ ആലാപിക്കുന്നത്. പശ്ചാത്തല സംഗീതം: മിഥുൻ മുരളി. പി.ആർ.ഒ: അജയ് തുണ്ടത്തിൽ.