ഉള്ളിയേരി: മഹിളാ മോർച്ച ബാലുശ്ശേരി നിയോജക മണ്ഡലം സമിതിയുടെ ആഭിമുഖ്യത്തിൽ ഉള്ളിയേരിയിൽ നടന്ന മഹിളാ സംഗമം സിനിമാ താരം ലക്ഷി പ്രിയ ഉദ്ഘാടനം ചെയ്തു. റോഡ് ഷോയിലും സംഗമത്തിലും നൂറുകണക്കിന് മഹിളകൾ പങ്കെടുത്തു. സ്ത്രീകൾക്ക് സുപ്രധാന വകുപ്പുകൾ നൽകി സ്ത്രീശാക്തീകരണത്തിനുള്ള നടപടി തന്റെ ക്യാബിനറ്റിൽ നിന്ന് തന്നെ തുടങ്ങി ആത്മാർത്ഥത തെളിയിച്ച ഭരണാധികാരിയാണ് നരേന്ദ്രമോദിയെന്ന് ലക്ഷ്മി പ്രിയ പറഞ്ഞു. മുത്തലാഖ് നിരോധന നിയമത്തിലൂടെ നരേന്ദ്രമോദി സർക്കാരിന് സഹോദരിമാരുടെ കണ്ണീരൊപ്പാൻ കഴിഞ്ഞുവെന്നും അവർ പറഞ്ഞു. ടി.കെ. റീന അദ്ധ്യക്ഷത വഹിച്ചു. ബി.ജെ.പി. ജില്ലാ വൈസ് പ്രസിഡന്റ് ശോഭാ രാജൻ, മഹിളാ മോർച്ച സംസ്ഥാന വൈസ് പ്രസിഡന്റ് ഷൈനി ജോഷി, ബി.ജെ.പി. നിയോജക മണ്ഡലം പ്രസിഡന്റ് ബബീഷ് ഉണ്ണികുളം, സ്ഥാനാർത്ഥി ലിബിൻ ബാലുശ്ശേരി, പി.കെ. ശാന്ത, ഷീലാ രാജൻ, ലില്ലി ടീച്ചർ, വിമല ഉണ്ണികുളം, ബീന കാട്ടുപറമ്പത്ത്, മൃദുല കാപ്പിക്കുന്ന്, ബീന മുരളി, വിശ്വൻ പുറക്കോളി, ജ്യോത്സ്‌ന, ഷീബ ഉണ്ണികുളം എന്നിവർ പ്രസംഗിച്ചു.