തിരുവനന്തപുരം: അഞ്ച് വരെ സംസ്ഥാനത്ത് ഒറ്റപ്പെട്ട വേനൽ മഴയ്‌ക്ക് സാദ്ധ്യത. വടക്കൻ ജില്ലകളിലെ മലയോര മേഖലകളിലും മദ്ധ്യ ജില്ലകളിലുമാണ് മഴയ്‌ക്ക് സാദ്ധ്യതയുള്ളത്. ഇന്നും നാളെയും സംസ്ഥാനത്ത് വൈകുന്നേരങ്ങളിൽ ഇടിമിന്നലിനും സാദ്ധ്യതയുണ്ട്.

മലയോരങ്ങളിൽ ഇടിമിന്നലുമുണ്ടാകും. ഇന്നും നാളെയും സംസ്ഥാനത്ത് തെക്കൻ ജില്ലകളിൽ ശക്തമായ കാറ്റിനും സാദ്ധ്യതയുണ്ട്. തെക്കു കിഴക്കൻ ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം തീവ്ര ന്യൂനമർദ്ദമായി മാറി. ഇത് ഇന്ന് വീണ്ടും ശക്തിപ്രാപിച്ച് അതി തീവ്ര ന്യൂനമർദ്ദമായി മ്യാൻമാർ തീരത്തേക്ക് നീങ്ങും. ഇത് സംസ്ഥാനത്തെ നേരിട്ട് ബാധിക്കാൻ സാദ്ധ്യത കുറവാണ്.