തിരുവനന്തപുരം: നിയ​മ​സഭാതിര​ഞ്ഞെ​ടുപ്പ് സുഗ​മ​മായി നട​ത്തു​ന്ന​തി​നുള്ള എല്ലാസുരക്ഷാക്രമീ​ക​ര​ണ​ങ്ങളും പൂർത്തി​യാ​ക്കി​യ​തായി പൊലീസ് മേധാവി ലോക്നാഥ് ബെഹ്റ അറി​യി​ച്ചു. ഉൾപ്രദേശങ്ങളിൽ ജനങ്ങൾ കൂട്ടംകൂടുന്നത് തടയുന്നതിനും മറ്റ് അക്രമസംഭവങ്ങൾ കണ്ടെത്തുന്നതിനും രാവിലെ മുതൽ ഡ്രോൺ നിരീക്ഷണം നടത്തും. ഇതിന്റെ ദൃശ്യങ്ങൾ അപ്പപ്പോൾ പട്രോളിംഗ് ടീമിനും പൊലീസ് ആസ്ഥാനത്തെ ഇലക്‌ഷൻ കൺട്രോൾ റൂമിനും ലഭ്യമാക്കും. മറ്റ് സംസ്ഥാനങ്ങളിൽ നിന്ന് മദ്യം കടത്തൽ കള്ളക്കടത്ത് മുതലായവ തടയുന്നതിനും മറ്റുമായി 152 അതിർത്തി കേന്ദ്രങ്ങളിൽ പ്രത്യേക പരിശോധനയും നിരീക്ഷണവും തുടങ്ങി.
ഏത് അടിയന്തര സാഹചര്യവും നേരിടാനായി 95 കമ്പനി പൊലീസ് സേന സംസ്ഥാനത്തിന്റെ വിവിധ കേന്ദ്രങ്ങളിൽ നിലയുറപ്പിച്ചിട്ടുണ്ട്. ആവശ്യമായ സ്ഥലങ്ങളിൽ കേന്ദ്ര സേനയുടെയും സേവനം വിനിയോഗിക്കും. പോളിംഗ് ബൂത്തു​കൾ സ്ഥിതി​ചെ​യ്യുന്ന 13,830 സ്ഥല​ങ്ങളെ ബന്ധി​പ്പിച്ച് 1694 ഗ്രൂപ്പ് പട്രോൾ ടീമു​കൾ ഉണ്ടാ​കും. ഓരോ പൊലീസ് സ്റ്റേഷനും കേന്ദ്രീ​ക​രിച്ച് കേന്ദ്ര​സേനാംഗങ്ങൾ ഉൾപ്പെട്ട ഒരു ലാ ആൻഡ് ഓർഡർ പട്രോൾ ടീം, ഡിവൈ.​എ​സ്.​പി​യുടെ നേതൃ​ത്വത്തിൽ ഓരോ ഇല​ക്‌ഷൻ സബ് ഡിവി​ഷ​നിലും പ്രത്യേക പട്രോൾ ടീം എന്നി​വയും സജ്ജമാക്കിയി​ട്ടു​ണ്ട്.നക്സൽ ബാധി​ത​പ്ര​ദേ​ശ​ങ്ങളിൽ സ്‌പെഷ്യൽ ഓപ്പ​റേ​ഷൻ ഗ്രൂപ്പും തണ്ടർബോൾട്ടും 24 മണി​ക്കൂറും നിതാന്തജാഗ്രത പുലർത്തും. ഈ പ്രദേ​ശ​ങ്ങ​ളിലെ പൊലീസ് സ്റ്റേഷ​നു​കൾക്കും പോളിംഗ് ബൂത്തു​കൾക്കും പ്രത്യേക സംര​ക്ഷ​ണവും ഉറപ്പാക്കിയിട്ടു​ണ്ട്.