പാലോട്: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് ഗർഭിണിയാക്കിയ സംഭവത്തിൽ ബന്ധുവായ യുവാവിനെ പാലോട് പൊലീസ് അറസ്റ്റുചെയ്‌തു. പാലോട് കുശവൂർ സ്വദേശി വിപിനാണ് ( 22 ) പിടിയിലായത്. പെൺകുട്ടി രണ്ടുമാസമായി വിദ്യാഭ്യാസ ആവശ്യത്തിന് പ്രതിയുടെ വീട്ടിൽ താമസിക്കുകയായിരുന്നു. ശാരീരിക അസ്വസ്ഥതകൾ അനുഭവപ്പെട്ടതിനെ തുടർന്ന് നെടുമങ്ങാട് താലൂക്ക് ആശുപത്രിയിൽ നടത്തിയ പരിശോധനയിലാണ് പെൺകുട്ടി ഗർഭിണിയാണെന്ന് മനസിലായത്. തുടർന്ന് വിവരം പാലോട് പൊലിസിനെ അറിയിച്ചു. പെൺകുട്ടിയുടെ മൊഴി രേഖപ്പെടുത്തിയശേഷം വിപിനെ പോക്സോ നിയമപ്രകാരം പിടികൂടുകയായിരുന്നു. പാരലൽ കോളേജിൽ രണ്ടാംവർഷ ബിരുദ വിദ്യാർത്ഥിയാണ് പ്രതി. നെടുമങ്ങാട് ഡിവെ.എസ്.പി ജെ. ഉമേഷ് കുമാറിന്റെ മേൽനോട്ടത്തിൽ പാലോട് സി.കെ. മനോജ്, എസ്.ഐ നിസാറുദ്ദീൻ, ഗ്രേഡ് എസ്.ഐമാരായ ഭുവനചന്ദ്രൻ നായർ, അൻസാരി, ദീപാകുമാരി, സുജുകുമാർ എന്നിവരടങ്ങിയ സംഘമാണ് പ്രതിയെ പിടികൂടിയത്.