തിരുവനന്തപുരം : ജില്ലയിൽ ഇന്നലെ 525 പേർക്കു കൂടി കൊവിഡ് സ്ഥിരീകരിച്ചു.130 പേർ രോഗമുക്തരായി. 3,918 പേരാണ് ജില്ലയിൽ കൊവിഡ് ബാധിച്ച് ചികിത്സയിലുള്ളത്. ഇന്നലെ രോഗം സ്ഥിരീകരിച്ചവരിൽ 381 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ 2 പേർ ആരോഗ്യ പ്രവർത്തകരാണ്. രോഗലക്ഷണങ്ങളെത്തുടർന്ന് 1,881 പേരെക്കൂടി നിരീക്ഷണത്തിലാക്കി. ഇവരടക്കം 17, 997പേർ ക്വാറന്റൈനിൽ കഴിയുന്നുണ്ട്. നിരീക്ഷണത്തിലുണ്ടായിരുന്ന 809 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.