ഗാനാസ്വാദകരുടെ ഹൃദയം കീഴടക്കിയ ഗായികയാണ് ശ്രേയ ഘോഷാൽ. തന്റെ ജീവിതത്തിലേക്ക് പുതിയൊരാൾ കൂടിയെത്തുന്ന സന്തോഷത്തിലാണ് ശ്രേയ ഇപ്പോൾ. അടുത്തിടെ താരം തന്നെയാണ് അമ്മയാകാൻ പോകുന്നുവെന്ന വാർത്ത ആരാധകരുമായി പങ്കുവച്ചത്. ഇപ്പോഴിതാ താരത്തിന്റെ ബേബി ഷവർ ചിത്രങ്ങളാണ് സോഷ്യൽ മീഡിയയിൽ വൈറലാകുന്നത്. സുഹൃത്തുക്കൾ ഓൺലൈൻ വഴി തനിക്കായി ഒരുക്കിയ ബേബി ഷവറാണിതെന്നും താരം ചിത്രങ്ങൾ പങ്കുവച്ചുകൊണ്ട് ഇൻസ്റ്റഗ്രാമിൽ കുറിച്ചു. കൂട്ടുകാരികൾ വീഡിയോ കോൾ വഴിയാണ് ബേബി ഷവർ ചടങ്ങിൽ പങ്കെടുത്തത്.

ഇതിന്റെ സ്‌ക്രീൻഷോട്ടുകളും താരം പങ്കുവച്ചിട്ടുണ്ട്. ശ്രേയയും ഭർത്താവ് ശൈലാദിത്യ മുഖോപാദ്ധ്യായയും ചേർന്നാണ് പുതിയൊരാൾക്ക് വേണ്ടിയുള്ള കാത്തിരിപ്പിനെ കുറിച്ച് ആദ്യം ആരാധകരോട് പറയുന്നത്. ജീവിതത്തിലെ പുതിയൊരു അദ്ധ്യായത്തിനായി ഞങ്ങൾ ഒരുങ്ങുകയാണെന്നും ഈ വാർത്ത നിങ്ങളുമായി പങ്കുവയ്ക്കുന്നതിൽ സന്തോഷമുണ്ടെന്നും എല്ലാവരുടെയും സ്‌നേഹവും അനുഗ്രഹവും വേണമെന്നും ശ്രേയ അന്ന് കുറിച്ചു. 2015 ഫെബ്രുവരി അഞ്ചിനായിരുന്നു ഇവരുടെ വിവാഹം.