നാഗർകോവിൽ: കന്യാകുമാരിയിൽ വീട് കുത്തി തുറന്ന് 18 പവന്റെ സ്വർണവും 85,000 രൂപയും കവർന്നു. ശുചീന്ദ്രം, പറക്കൈ ജ്യോതി നഗർ സ്വദേശിനി കലയുടെ (57) വീട്ടിലാണ് കവർച്ച നടന്നത്. തിങ്കളാഴ്ചയായിരുന്നു സംഭവം. കല മാർത്താണ്ഡം ആർ.ടി.ഒ ഓഫീസിലെ സൂപ്രണ്ടാണ്.

കഴിഞ്ഞ ദിവസം രാത്രി ജോലി കഴിഞ്ഞ് തിരികെ വീട്ടിലെത്തിയപ്പോഴാണ് കല വീടിന്റെ മുൻവശത്തെ വാതിൽ തകർത്ത നിലയിൽ കണ്ടത്. തുടർന്ന് പരിശോധന നടതിയപ്പോഴാണ് മോഷണ വിവരം അറിയുന്നത്.

സ്വകാര്യ അറയിലെ അലമാരയിൽ സൂക്ഷിച്ചിരുന്ന 18 പവന്റെ സ്വർണവും 85,000 രൂപയുമാണ് മോഷണം പോയത്. പരാതിയുടെ അടിസ്ഥാനത്തിൽ ശുചീന്ദ്രം പൊലീസും ഫോറൻസിക് വിദഗ്ദ്ധരും സ്ഥലം സന്ദർശിച്ച് പരിശോധന നടത്തി. ഫോറൻസിക് പരിശോധനയിൽ വീട്ടിൽ നിന്ന് മൂന്ന് പേരുടെ കൈരേഖയും കണ്ടെത്തിയിട്ടുണ്ട്. പൊലീസ് കേസെടുത്തു.