തിരുവനന്തപുരം: നഗരത്തിൽ ഇന്നലെ നടത്തിയ പൊലീസ് പരിശോധനയിൽ കൊവിഡ് സുരക്ഷാവിലക്ക് ലംഘനം നടത്തിയ 459 പേർക്കെതിരെ നിയമനടപടി സ്വീകരിച്ചു. മാസ്‌ക് ധരിക്കാത്തതിന് 286 പേരിൽ നിന്നും സാമൂഹിക അകലം പാലിക്കാത്ത 8 പേരിൽ നിന്നുമായി 1,42,000 രൂപ പിഴ ഈടാക്കി. രോഗവ്യാപനം ഉണ്ടാക്കുന്ന തരത്തിൽ വിലക്ക് ലംഘനം നടത്തിയ 159 പേർക്കെതിരെ എപ്പിഡെമിക് ഡിസീസസ് ഓർഡിനൻസ് പ്രകാരമാണ് കേസെടുത്തത്. മാർഗനിർദ്ദേശങ്ങൾ പാലിക്കാതെ സർവീസ് നടത്തിയ 4 വാഹനങ്ങൾക്കെതിരെയും 2 കടകൾക്കെതിരെയും ഇന്നലെ നിയമനടപടി സ്വീകരിച്ചു.