തിരുവനന്തപുരം: തദ്ദേശ ഉപതിരഞ്ഞെടുപ്പ് നടക്കുന്ന സംസ്ഥാനത്തെ ഒൻപത് ജില്ലകളിലെ 15 തദ്ദേശ വാർഡുകളിൽ വോട്ടർപട്ടിക പുതുക്കുന്നതിന് സംസ്ഥാന തിരഞ്ഞെടുപ്പ് കമ്മിഷണർ എ. ഷാജഹാൻ ഇലക്ടറൽ രജിസ്‌ട്രേഷൻ ഓഫീസർമാർക്ക് നിർദ്ദേശം നൽകി.
പത്തനംതിട്ട, ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, കണ്ണൂർ ജില്ലകളിലെ പതിനൊന്ന് ഗ്രാമ പഞ്ചായത്തിലെയും തിരുവനന്തപുരം ജില്ലയിലെ നെടുമങ്ങാട്, എറണാകുളം ജില്ലയിലെ പിറവം, വയനാട് ജില്ലയിലെ സുൽത്താൻബത്തേരി മുനിസിപ്പാലിറ്റികളിലെയും മലപ്പുറം ജില്ലയിലെ നിലമ്പൂർ ബ്ലോക്ക് പഞ്ചായത്തിലെയും ഉപതിരഞ്ഞെടുപ്പ് നടത്തുന്ന വാർഡുകളിലെ വോട്ടർപട്ടികയാണ് പുതുക്കുന്നത്.

കരട് വോട്ടർപട്ടിക നാളെ പ്രസിദ്ധീകരിക്കും. പഞ്ചായത്തുകളുടെ പട്ടിക ബന്ധപ്പെട്ട ബ്ലോക്ക് പഞ്ചായത്ത് ഓഫീസിലും പ്രസിദ്ധീകരിക്കും. നിലവിലെ വോട്ടർപട്ടിക www.lsgelection.kerala.gov.in ൽ ലഭ്യമാണ്.
അപേക്ഷകളും ആക്ഷേപങ്ങളും ഏപ്രിൽ 29 വരെ സമർപ്പിക്കാം. അവകാശവാദങ്ങളിൽ മേയ് 10ന് തീർപ്പ് കൽപ്പിക്കും. മേയ് 11ന് അന്തിമ വോട്ടർപട്ടിക പ്രസിദ്ധീകരിക്കും.
പത്തനംതിട്ട കലഞ്ഞൂർ പല്ലൂർ 20, ആലപ്പുഴ മുട്ടാർ നാലുതോട് 58, കോട്ടയം എലിക്കുളംഇളങ്ങുളം 14, എറണാകുളം ജില്ലയിലെ വേങ്ങൂർചൂരത്തോട് 11, വാരപ്പെട്ടി കോഴിപ്പിള്ളി സൗത്ത് 13, മാറാടിനോർത്ത് മാറാടി 06, മലപ്പുറം ജില്ലയിലെ ചെറുകാവ് ചേവായൂർ 10, വണ്ടൂർമുടപ്പിലാശേരി 09, തലക്കാട്പാറശേരി വെസ്റ്റ് 15,കോഴിക്കോട്‌ വളയംകല്ലുനിര 03, കണ്ണൂർആറളംവീർപ്പാട് 10 എന്നീ ഗ്രാമ പഞ്ചായത്ത് നിയോജകമണ്ഡലങ്ങളിലും മലപ്പുറം ജില്ലയിലെ നിലമ്പൂർ ബ്ലോക്ക് പഞ്ചായത്ത് 06 വഴിക്കടവ്, തിരുവനന്തപുരം നെടുമങ്ങാട് പതിനാറാംകല്ല് 17, എറണാകുളം പിറവം കരക്കോട് 05, വയനാട് സുൽത്താൻ ബത്തേരി പഴശേരി 07 മുനിസിപ്പാലിറ്റി വാർഡുകളിലുമാണ് ഉപതിരഞ്ഞെടുപ്പ് നടക്കുന്നത്.