തിരുവനന്തപുരം:ഇന്നലെയും കുതിച്ചുയർന്ന് ജില്ലയിലെ കൊവിഡ് കണക്കുകൾ.ഇന്നലെ 750 പേർക്കാണ് ജില്ലയിൽ കൊവിഡ് സ്ഥിരീകരിച്ചത്.ആറ് ദിവസത്തിനിടയ്ക്ക് 3537 പേർക്കാണ് രോഗം സ്ഥിരീച്ചത്.സമ്പർക്ക രോഗികളുടെ എണ്ണത്തിലും വൻ വർദ്ധനയുണ്ട്.556 പേർക്ക് ഇന്നലെ സമ്പർക്കത്തിലൂടെ രോഗബാധയുണ്ടായി.

ഇന്നലെ 648 പേർ രോഗമുക്തിയും നേടി.5,382 പേരാണ് ജില്ലയിൽ കൊവിഡ് ബാധിച്ച് ചികിത്സയിലുള്ളത്.

ഇന്നലെ രോഗം സ്ഥിരീകരിച്ചവരിൽ 3 പേർ ആരോഗ്യ പ്രവർത്തകരാണ്.രോഗലക്ഷണങ്ങളെത്തുടർന്ന് ജില്ലയിൽ 2,332 പേരെക്കൂടി നിരീക്ഷണത്തിലാക്കി.ആകെ 23175 പേർ ക്വാറന്റൈനിൽ കഴിയുന്നുണ്ട്.ഇന്നലെവരെ നിരീക്ഷണത്തിലുണ്ടായിരുന്ന 820 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.