എ.ജി.എസ് മൂവിമേക്കേഴ്സിന്റെ ബാനറിൽ വിനോദ് കൊമ്മേരി, രോഹിത് എന്നിവർ ചേർന്ന് നിർമ്മിച്ച് കുമാർ നന്ദ രചനയും സംവിധാനവും നിർവഹിക്കുന്ന 'വെള്ളാരംകുന്നിലെ വെള്ളിമീനുകൾ' 23ന് തിയേറ്ററുകളിലെത്തുന്നു. കുടുംബത്തിന്റെ ചുമതലാ ബോധങ്ങളിൽ നിന്നും ഒഴിഞ്ഞ് നിൽക്കുന്ന കുടുംബനാഥനാൽ ആ കുടുംബം അനുഭവിക്കേണ്ടിവരുന്ന കഷ്ടനഷ്ടങ്ങളും തുടർന്നുണ്ടാകുന്ന സങ്കീർണതകളും ഇന്നത്തെ സാമൂഹികാന്തരീക്ഷത്തിൽ എത്രത്തോളം പ്രസക്തമെന്ന് സംവദിക്കുന്ന ചിത്രമാണ് വെള്ളാരംകുന്നിലെ വെള്ളിമീനുകൾ. ശാന്തികൃഷ്ണ, ഭഗത്മാനുവൽ, ആനന്ദ്സൂര്യ, സുനിൽസുഖദ, കൊച്ചു പ്രേമൻ, ശശികലിംഗ, മുരളി, പ്രജുഷ, ബേബി ഗൗരിനന്ദ, മാസ്റ്റർ ഗൗതംനന്ദ, അഞ്ജുനായർ, റോഷ്‌നിമധു, എ.കെ.എസ്, മിഥുൻ, രജീഷ്‌ സേട്ടു, ഷിജു നിർമാല്യം, ആലികോയ, ക്രിസ്‌കുമാർ, ജീവൻ ചാക്ക, മധു സി. നായർ, കുട്ട്യേടത്തി വിലാസിനി, ബാലു ബാലൻ, ബിജുലാൽ, അപർണ, രേണുക, മിനി ഡേവിസ്, രേഖ ബാംഗ്ലൂർ, ഗീത മണികണ്ഠൻ എന്നിവർ അഭിനയിക്കുന്നു. വിനോദ് കൊമ്മേരി, രോഹിത് എന്നിവർ ചേർന്ന് നിർമ്മിക്കുന്ന ചിത്രത്തിന്റെ ഛായാഗ്രഹണം നിർവഹിക്കുന്നത് അജീഷ് മത്തായി, രാജീവ് വിജയ് എന്നിവരാണ്. എഡിറ്റിംഗ്: ശ്രീനിവാസ് കൃഷ്ണ, ഗാനരചന: വയലാർ ശരത്ചന്ദ്ര വർമ്മ, രാജീവ് ആലുങ്കൽ, സുഗുണൻ ചൂർണിക്കര, സംഗീതം: എം.കെ. അർജുനൻ, റാംമോഹൻ, രാജീവ് ശിവ. ആലാപനം: വിധുപ്രതാപ്, കൊല്ലം അഭിജിത്ത്, ആവണി സത്യൻ, ബേബി പ്രാർത്ഥന രതീഷ്, പ്രൊഡക്ഷൻ കൺട്രോളർ: പാപ്പച്ചൻ ധനുവച്ചപുരം. പി.ആർ.ഒ: അജയ് തുണ്ടത്തിൽ.