ശ്രീജിത്ത് വിജയ് സംവിധാനം ചെയ്യുന്ന 'ഷീറോ' എന്ന സൈക്കളോജിക്കൽ ത്രില്ലറിന്റെ ഷൂട്ടിംഗിനായി ബോളിവുഡ് ഹോട്ട് താരം സണ്ണി ലിയോൺ കേരളത്തിൽ എത്തി. രണ്ട് ദിവസം മുമ്പാണ് സണ്ണി ചിത്രീകരണത്തിനായി എത്തിയത്. ഇക്കിഗായ് മോഷൻ പിക്ച്ചേഴ്സിന്റെ ബാനറിൽ അൻസാരി നെക്സ്റ്റൽ, രവി കിരൺ എന്നിവർ നിർമിക്കുന്ന ചിത്രം മലയാളം അടക്കമുള്ള ദക്ഷിണേന്ത്യൻ ഭാഷകളിലാണ് ഒരുങ്ങുന്നത്. കുട്ടനാടൻ മാർപ്പാപ്പയ്ക്കു ശേഷം ശ്രീജിത്ത് സംവിധാനം ചെയ്യുന്ന ചിത്രം കൂടിയാണിത്. വളരെയേറെ അഭിനയ പ്രാധാന്യമുള്ള നായികാ കഥാപാത്രമാണ് സണ്ണിയുടേത്. ദക്ഷിണേന്ത്യയിലെ പ്രമുഖ താരങ്ങളും ചിത്രത്തിലുണ്ട്. ഉദയ് സിംഗ് മോഹിതാണ് ഛായാഗ്രഹണം. ബി.ജി.എം: രാഹുൽ രാജ്, എഡിറ്റിംഗ്: വി.സാജൻ, മേക്കപ്പ്: രഞ്ജിത് അമ്പാടി, കോസ്റ്റ്യൂം: സ്റ്റെഫി സേവ്യർ, പ്രൊഡക്‌ഷൻ ഡിസൈനർ: ദിലീപ് നാഥ്. മധുരരാജ, രംഗീല എന്നീ ചിത്രങ്ങൾക്കു ശേഷം സണ്ണി ലിയോണി അഭിനയിക്കുന്ന മൂന്നാമത്തെ മലയാള സിനിമയാണ് ഷീറോ. ഷെഡ്യൂൾ കഴിഞ്ഞ് സണ്ണി മുംബയ്ലേക്ക് മടങ്ങി.