തിരുവനന്തപുരം: ശബരിമലയിലെ ചടങ്ങുകൾ സമൂഹ മാദ്ധ്യമങ്ങളിലൂടെ നൽകില്ലെന്ന് തിരുവിതാംകൂർ ദേവസ്വം ബോർഡ് പ്രസിഡൻറ് എൻ. വാസു അറിയിച്ചു. ക്ഷേത്രച്ചടങ്ങുകൾ തത്സമയം സംപ്രേഷണം ചെയ്യാൻ തീരുമാനിച്ചിട്ടില്ല.

ദേവസ്വം ബോർഡിന് കീഴിലുള്ള മറ്റ് ക്ഷേത്രങ്ങളിലെ വഴിപാടുകൾ ഓൺലൈനായി നടത്താൻ പ്രോത്സാഹിപ്പിക്കുന്നതിന് ഒരു ബാങ്കുമായി കരാറുണ്ടാക്കി. ഇതിന്റെ മറവിലാണ് സമൂഹ മാദ്ധ്യമങ്ങളിലൂടെ ചടങ്ങ് കാണാമെന്ന് പ്രചരിച്ചത്. എന്നാൽ ഈ കരാർ പിന്നീട് റദ്ദാക്കി. നിലവിൽ ഒരു ക്ഷേത്രത്തിലെ പൂജകളും ഓൺലൈനായി നൽകാൻ ആലോചനയില്ലെന്നും ഓൺലൈൻ വഴിപാട് സൗകര്യം ബോർഡിന്റെ 500 ക്ഷേത്രങ്ങളിൽകൂടി നടപ്പാക്കാൻ ബോർഡ് തീരുമാനിച്ചതായും എൻ.വാസു അറിയിച്ചു.