പ്രവാസികളുടെ നീറുന്ന ജീവിത പ്രശ്നങ്ങളുമായി ദ ടാസ്ക് എന്ന ഹ്രസ്വചിത്രം ഖത്തർ മലയാളികൾ പുറത്തിറക്കി. ജോഷീസ് പ്രൊഡക്ഷൻസിന്റെ ബാനറിൽ ജോഷി ഡേവീസ് കുറ്റിക്കാട്ടിൽ നിർമ്മിച്ചിരിക്കുന്ന ഹ്രസ്വചിത്രം ഹബീബ് റഹ്മാൻ സംവിധാനം ചെയ്യുന്നു. ഖത്തർ മലയാളിയായ ജിജോയ് ജോർജ് ചിത്രത്തിന്റെ രചന നിർവഹിക്കുകയും പ്രധാന വേഷം അവതരിപ്പിക്കുകയും ചെയ്യുന്നു. പ്രവാസ ജീവിതം അവസാനിപ്പിച്ച്, നാട്ടിൽ എത്തുന്ന മലയാളികളുടെ ജീവിതം സത്യസന്ധമായി അവതരിപ്പിക്കുകയാണ് 'ദ ടാസ്ക് ' എന്ന ഹ്രസ്വചിത്രം. പ്രവാസ ജീവിതം അവസാനിപ്പിച്ച കൃഷ്ണൻകുട്ടി നാട്ടിലെത്തി സ്വന്തമായി ഒരു ബിസിനസ് സംരംഭം ആരംഭിക്കുന്നു. ഉദ്യോഗസ്ഥരിൽ നിന്ന് പീഡനങ്ങൾ ആരംഭിച്ചതോടെ കൃഷ്ണൻകുട്ടി ആത്മഹത്യയുടെ വക്കിലെത്തി. ഭരണാധികാരികളുടെ പേരിൽ കോടികൾ സമ്പാദിക്കുന്ന അനുയായികളുടെ യഥാർത്ഥ മുഖവും പുറത്തു കൊണ്ടുവരുകയാണ് ഈ ഹ്രസ്വചിത്രം. ഖത്തർ മലയാളികളുടെ ഈ കലാ സംരംഭത്തിന് വലിയ പിന്തുണയാണ് കിട്ടിയിരിക്കുന്നത്.
ഛായാഗ്രഹണം: സായ് പ്രസാദ്, ഹബീബ് റഹ്മാൻ. ക്രീയേറ്റീവ് ഡയറക്ടർ: സായി പ്രസാദ്, എഡിറ്റർ: റാഷിൻ അഹമ്മദ്. സംഗീതം, ബിജിഎം: കോളിൻസ് തോമസ്, പി.ആർ.ഒ: അയ്മനം സാജൻ.
കോബ്ര രാജേഷ്, ജിജോയ് ജോർജ്, സായ് പ്രസാദ്, ജോഷി ഡേവീസ് കുറ്റിക്കാട്ടിൽ, നജീബ് കീഴാരിയൂർ, നൗഷാദ് ദിൽസെ, ജോപ്പച്ചൻ തെക്കേക്കുറ്റ്, ഡേവീസ് ചേലാട്ട്, ഫിർദോസ്, ജെസ്‌ലിൻ ഷാബു, നിജ അനിലൻ, ആതിര ഹരീഷ്, ആതിര ജിജോയ്, സീന പ്രസാദ് എന്നിവർ അഭിനയിക്കുന്നു. മൂവികാർമേഴ്സ് യൂ ട്യൂബ് ചാനലിൽ റിലീസ് ചെയ്ത ഹ്രസ്വചിത്രം ചുരുങ്ങിയ ആയിരക്കണക്കിന് പ്രേക്ഷകർ കണ്ടു കഴിഞ്ഞു.