തിരുവനന്തപുരം:സംസ്ഥാനത്ത് മേയ് 4 വരെ ശക്തമായ മഴ ലഭിക്കും. ഇന്ന് വയനാടും 3ന് വയനാടും കണ്ണൂരും യെല്ലോ അലർട്ട് പ്രഖ്യാപിച്ചു. തിരുവനന്തപുരം കൊല്ലം,പത്തനംതിട്ട ജില്ലകളിൽ ഇന്നും നാളെയും ശക്തമായ ഇടിമിന്നലിനും സാദ്ധ്യതയുണ്ട്. ഒറ്റപ്പെട്ടയിടങ്ങളിൽ 24 മണിക്കൂറിൽ 64.5 മില്ലമീറ്റർ മുതൽ 115.5മില്ലമീറ്റർ വരെ മഴ ലഭിക്കും.

3വരെ കൊല്ലം, ആലപ്പുഴ, കൊച്ചി, പൊന്നാനി, കോഴിക്കോട്, കണ്ണൂർ, കാസർകോട് തീരങ്ങളിലും താഴ്‌ന്ന പ്രദേശങ്ങളിലും ഉയർന്ന തിരമാലയ്ക്കും കടലാക്രമണത്തിനും സാദ്ധ്യതയുണ്ടെന്നും ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു.തീരദേശവാസികൾ ജാഗ്രത പാലിക്കണം.