മുതുകുളം: വൈദ്യുതി കമ്പിക്ക് മുകളിലേക്ക് മരം വീണു. പുത്തൻ റോഡ് മുക്ക് റോഡിൽ പുതിയിവിള മഞ്ഞാടിമുക്കിന് സമീപം പുരയിടത്തിൽ നിന്ന തെങ്ങാണ് 11 കെ.വി കമ്പിക്ക് മുകളിലേക്ക് വീണത്. തിങ്കളാഴ്ച വൈകി​ട്ട് നാലുമണിയോടെ വീശിയടിച്ച കാറ്റിലാണ് മരം കടപുഴകിയത്. വൈദ്യുതി ബന്ധം വിച്ഛേദിച്ചതല്ലാതെ മറ്റപകടങ്ങൾ ഒന്നും ഉണ്ടായില്ല. കെ.എസ്.ഇ.ബി. അധികൃതരെത്തി​ താത്കാലികമായി വൈദ്യുതി ബന്ധം പുനഃസ്ഥാപിച്ചു.