മുതുകുളം: നിയന്ത്രണം വിട്ട കാർ വൈദ്യുതി തൂണിൽ ഇടിച്ചു. തിങ്കളാഴ്ച വൈകി​ട്ട് നാലരയോടെ കായംകുളം -കാർത്തികപ്പള്ളി റോഡിൽ മുതുകുളം ഉമ്മർ മുക്കിന് വടക്കുഭാഗത്തായിരുന്നു അപകടം. തെക്കുഭാഗത്തേക്കു വന്ന കാർ നിയന്ത്രണം വിട്ട് റോഡിന് പടിഞ്ഞാറുവശത്തെ തൂണിലി​ടിക്കുകയായിരുന്നു. റോഡരികിൽ വച്ചിരുന്ന ബൈക്കിലും കാർ തട്ടി. ഇടിയുടെ ആഘാതത്തിൽ തൂൺ ഒടിഞ്ഞു. കാറിനും ബൈക്കിനും കേടുപാടുണ്ട്. വാഹനം ഓടിച്ചിരുന്നയാൾ സാരമായ പരിക്കേൽക്കാതെ രക്ഷപ്പെട്ടു