കായംകുളം: കായംകുളത്തു രക്താർബുദം ബാധിച്ച 34കാരിയുടെ ചികിത്സയ്ക്കായി ബിരിയാണി ചലഞ്ചി​ലൂടെ നന്മമനസുകൾ ഒത്തുചേർന്നു. പി​രി​ഞ്ഞുകി​ട്ടി​യ 300400 രൂപ കായംകുളം സ്വദേശിനി സുജയ്ക്ക് കൈമാറി​.

കായംകുളത്തെ സന്നദ്ധസംഘടനാ പ്രവർത്തകരായ ഷാനവാസും ജോസഫും ചേർന്നാണ് ബിരിയാണി ചലഞ്ച് എന്ന ആശയം മുന്നോട്ടു വച്ചത്. സ്പോർൺസർമാർ പ്രവാസലോകത്തു നിന്നും നാട്ടിൽ നിന്നും എത്തിയതോടെ കാര്യങ്ങൾ വേഗതയിലായി.

100 രൂപ വിലയിട്ട ഒരു പൊതി ബിരിയാണി വാങ്ങാൻ നി​രവധി​ പേർ മുന്നോട്ടുവന്നതോടെ ചലഞ്ച് വി​ജയമായി​. നഗരസഭ പരിധിയിലെ 4,8,9,37 വാർ ഡ് കൗൺസിലർമാരും യുവാക്കളും മുന്നിട്ടി​റങ്ങി​. കായംകുളത്ത് നടന്ന ചടങ്ങിൽ കൗൺസിലറന്മാരായ പി കെ അമ്പിളി, ഷെമി, എന്നിവർ ഭാരവാഹികളിൽ നിന്നും തുക സ്വീകരിച്ചു