മാവേലിക്കര: മാവേലിക്കര നഗരസഭ പ്രദേശത്ത് കൊവിഡ് രോഗികളുടെ എണ്ണം വർദ്ധിക്കുന്നു. സമീപ പഞ്ചായത്തായ ഭരണിക്കാവിലും പോസിറ്റീവ് നിരക്കിൽ ക്രമാതീതമായ വർദ്ധനവുണ്ട്. സ്ഥി​തി​ രൂക്ഷമായിരുന്ന ചെട്ടികുളങ്ങര പഞ്ചായത്തിലും തെക്കേക്കര, തഴക്കര പഞ്ചായത്തുകളിലും പുതുതായി രോഗം സ്ഥിരീകരിച്ചവരുടെ എണ്ണത്തിൽ കുറവ് വന്നത് ആശ്വസമാവുന്നുണ്ട്.

നഗരസഭയിൽ ഇന്നലെ മാത്രം 52 പേർക്കാണ് പുതുതായി രോഗം സ്ഥിരീകരിച്ചത്. ഭരണിക്കാവിലാകട്ടെ 76 പേർക്ക് രോഗം സ്ഥിരീകരിച്ചു. തെക്കേക്കരയിൽ 19 പേർക്കും ചെട്ടികുളങ്ങരയിൽ 38 പേർക്കും ചെന്നിത്തലയിൽ 25 പേർക്കും തഴക്കരയിൽ 16 പേർക്കും കൊവി​ഡ് സ്ഥിരീകരിച്ചിട്ടുണ്ട്.