ആലപ്പുഴ: കനത്ത മഴയിലും കാറ്റിലും നഗരത്തിൽ ബീച്ചിനു സമീപം പ്രവർത്തിച്ചിരുന്ന ചില്ല ആർട്ട്​ കഫെ തകർന്നു. വെള്ളിയാഴ്​ച രാത്രിയിലാണ്​ സംഭവം. മരങ്ങൾ ഇടതൂർന്ന്​ നിന്ന കഫെയിലേക്ക്​ അഞ്ചോളം മരങ്ങളാണ്​ പല ഭാഗങ്ങളിൽ നിന്നായി വീണത്​. ഒരു മരം പൂർണമായും മറ്റുള്ള മരങ്ങളിൽ നിന്നു ശിഖരങ്ങളും വീഴുകയായിരുന്നു. രണ്ട്​ ഹട്ടുകളും കസേരകളും തകർന്നു. കാറ്റിൽ വാട്ടർ ടാങ്ക്​ നിലംപൊത്തി. മതിലു​കളും തകർന്നിട്ടുണ്ട്​. കൂടാതെ കഫേയിലെ മുഖ്യ ആകർഷണമായിരുന്ന ഡ്രാഗൺ ശില്പത്തിനും കേടുപാട്​ സംഭവിച്ചിട്ടുണ്ട്​. ഏകദേശം 50,000 രൂപയുടെ നഷ്​ടം കണക്കാക്കുന്നു.